Sjúkraþjálfari eða stoðtækjafræðingur á Heilbrigðistæknisvið
Hefur þú brennandi áhuga á fólki og hvernig stoð- og meðferðartæki, s.s. spelkur, gervihandleggir/gervifótleggir, bæklunarskór eða hjálpartæki við öndunarmeðferð geta bætt færni í daglegu lífi? Ef svo er þá erum við með rétta starfið fyrir þig. Við leitum að sérfræðingi á Heilbrigðistæknisvið Sjúkratrygginga í spennandi verkefni sem m.a. tengjast vinnslu umsókna um ýmsar gerðir stoð- og meðferðartækja, útboðum, verðkönnunum, faglegum úttektum og þátttöku í umbótaverkefnum
Sjúkratryggingar er lykilstofnun í íslensku heilbrigðiskerfi. Við tryggjum réttindi sjúkratryggðra og aðgengi að góðri og hagkvæmri heilbrigðisþjónustu með það markmið að leiðarljósi að vernda heilbrigði og jafnan aðgang að heilbrigðisþjónustu óháð efnahag. Unnið er í verkefnamiðuðu vinnuumhverfi þar sem rík áhersla er lögð á góðan aðbúnað starfsmanna. Boðið er upp á sveigjanlegan vinnutíma, fjarvinnu auk þess sem starfsfólk nýtur hlunninda á borð við íþróttastyrk og samgöngustyrk vegna vistvænna samgangna.
- Afgreiðsla umsókna um stoð- og meðferðartæki samkvæmt reglugerð
- Samskipti við seljendur, fagaðila og aðra hagaðila
- Þátttaka í ýmsum verkefnum, gæða- og umbóta- og nýsköpunarstarfi á sviði heilbrigðistækni
- Fagleg ráðgjöf og mat á búnaði s.s. í tengslum við útboð og samninga
- Fullgilt próf í sjúkraþjálfun eða stoðtækjafræði
- Íslenskt starfsleyfi
- Klínísk reynsla er æskileg
- Reynsla af meðhöndlun stoðtækja er kostur
- Góð íslensku- og enskukunnátta, vald á norðurlandamáli er kostur
- Faglegur metnaður, frumkvæði í starfi og góð þjónustulund
- Framúrskarandi færni í mannlegum samskiptum og jákvætt viðmót
- Skipulagshæfni og nákvæm vinnubrögð
- Skipulagshæfni, nákvæm vinnubrögð og geta til að starfa sjálfstætt og í teymi