Laus störf Hæfnileit Vinnustaðir Námskeið

Stoð

Stoð er rótgróið þjónustufyrirtæki á heilbrigðissviði, stofnað 1982. Markmið Stoðar er að bæta lífsgæði með því að bjóða upp á heildarlausnir fyrir einstaklinga með fötlun, áverka og sjúkdóma og þá sem vilja fyrirbyggja heilsufarsvandamál. Auk þess að þjónusta og veita lausnir fyrir heilbrigðisstofnanir. Innan Stoðar starfar samhentur hópur fagfólks á heilbrigðissviði sem vinnur í sameiningu að því að finna bestu lausnirnar fyrir viðskiptavini fyrirtækisins.

Vinnustaðurinn

Viltu vinna að lausnum sem bæta líf og styrkja heilbrigðiskerfið?

Stoð leitar að iðjuþjálfa eða sjúkraþjálfara sem vill nýta fagþekkingu sína til að styðja heilbrigðisstarfsfólk og bæta líf einstaklinga með vönduðum, notendamiðuðum lausnum.

Stoð er leiðandi fyrirtæki í heilbrigðisþjónustu sem veitir aðgengi að þekkingu og lausnum sem efla heilbrigðiskerfið og rannsóknir. Við leggjum áherslu á fagmennsku, lausnir og sterka liðsheild.

Starfið er fjölbreytt og gefandi og felur í sér ráðgjöf, sölu og þjónustu við hjálpartæki, með áherslu á ETAC hjólastóla og fylgihluti, í nánu samstarfi við fagfólk og stofnanir.

Í boði er fjölbreytt og afar gefandi starf sem miðar að því að styðja einstaklinga til aukinna lífsgæða og þátttöku í samfélaginu.

Helstu verkefni og ábyrgð

Fagleg ráðgjöf, sala og kynning á hjálpartækjum og heilbrigðisvörum til einstaklinga og stofnana
Fræðsla, kynningar og eftirfylgni fyrir notendur og heilbrigðisstarfsfólk
Umsjón með innkaupum, birgðahaldi og samskiptum við erlenda birgja og innlenda samstarfsaðila
Samsetning, stilling og afhending hjálpartækja ásamt ráðgjöf í verslun og sýningarsal
Þátttaka í útboðum og tilboðsgerð

Menntunar- og hæfniskröfur

Háskólamenntun sem nýtist í starfi, t.d. sjúkraþjálfun, iðjuþjálfun, verkfræði eða tæknifræði
Þekking eða reynsla af hjálpartækjum og/eða vinnu með skjólstæðingum
Góð skipulagshæfni, frumkvæði og lausnamiðuð nálgun
Framúrskarandi samskiptahæfni og þjónustulund
Geta til að vinna sjálfstætt sem og í samhentu teymi
Drifkraftur, fagleg metnaður og jákvætt viðhorf

Fríðindi í starfi

Heilsustyrkur
Samgöngustyrkur
Niðurgreiðsla á sálfræðiþjónustu
Niðurgreiddur hádegisverður

Umsóknarfrestur er til og með 25. janúar.

Nánari upplýsingar veitir Hrafnhildur Ýr Matthíasdóttir, deildarstjóri hjálpartækjadeildar - [email protected]

Stefna Stoðar er að stuðla að jafnrétti og fjölbreytileika meðal starfsfólks og hvetjum við einstaklinga af öllum kynjum til að sækja um. Tekið er við umsóknum í gegnum ráðningarvef Stoðar.

Stoð er sérhæft fyrirtæki á heilbrigðissviði fyrir öll sem þurfa stuðning við daglegar athafnir, þannig að þau geti tekið fullan þátt í samfélaginu og notið almennra lífsgæða. Hjá Stoð má finna heildstæðar lausnir sem taka mið af þörfum viðkomandi einstaklings.
Stoð er hluti af fyrirtækjasamstæðu Veritas ásamt, Artasan, Distica, MEDOR og Vistor.

Auglýsing birt9. janúar 2026

Umsóknarfrestur25. janúar 2026

Tungumálahæfni