Sjúkraþjálfari

Ert þú árangursdrifinn og metnaðarfullur sjúkraþjálfari, tilbúinn að takast á við krefjandi áskoranir og vilt hafa mótandi áhrif á greinina á alþjóðlegum vettvangi? Þá gæti þetta verið tækifæri fyrir þig.

Við ætlum að fjölga í teyminu og óskum því eftir að ráða fleiri metnaðarfulla sjúkraþjálfara sem eru tilbúnir að takast á við áskoranir sjúkraþjálfunar á nýjan hátt í kraftmiklu og þverfaglegu starfsumhverfi.

Við hjá KIM ENDURHÆFING leggjum metnað okkar í að veita þeim sem glíma við stoðkerfisvandamál árangursríka þjónustu. Okkar markmið er að bjóða upp á sérsniðnar endurhæfingarmeðferðir byggðar á viðurkenndum aðferðum, mælingum og þjálfunartækni sem auka skilvirkni og árangur endurhæfingar.

Þú munt hafa tækifæri til að leggja þitt af mörkum við þróun verkefna, þróa og beita framsæknum meðferðaraðferðum sem stuðla að bættri upplifun skjólstæðinga og hámarka klíniskan árangur.