Laus störf Hæfnileit Vinnustaðir Námskeið

Landspítali

Landspítali er lifandi og fjölbreyttur vinnustaður þar sem yfir 7000 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að veitt sé framúrskarandi heilbrigðisþjónusta byggð á vísindum, fagmennsku og umhyggju, öflugu fagfólki og studd með umgjörð og aðbúnaði sem sómi er að.

Vinnustaðurinn

Sjúkraliði á legudeild geðrofssjúkdóma

Sjúkraliði óskast til starfa á legudeild geðrofssjúkdóma Landspítala við Hringbraut. Við sækjumst eftir metnaðarfullum sjúkraliða sem hefur áhuga á að starfa með fólki með geðrænar áskoranir, bæði í bráðaveikindum og endurhæfingu. Áhersla er lögð á notendamiðaða þjónustu og góðan starfsanda. Starfshlutfall er 80-100% og er starfið laust frá 15. desember 2025 eða eftir samkomulagi.

Legudeild geðrofssjúkdóma sinnir greiningu, meðferð og endurhæfingu fólks með geðrofssjúkdóma. Deildin er 16 rúma, 10 rými ætluð einstaklingum með bráð veikindi og 6 ætluð til endurhæfingar. Á deildinni er boðið upp á samtalsmeðferð, virkni, fræðslu, lyfjameðferð og hvatningu og stuðning við athafnir daglegs lífs. Markmið meðferðarvinnu er að auka lífsgæði og valdefla sjúklinga, draga úr hamlandi geðrofseinkennum og þjálfa upp bjargráð til að lifa með geðrofssjúkdóm. Spennandi vettvangur fyrir sjúkraliða sem hafa áhuga á að dýpka þekkingu sína í geðhjúkrun og endurhæfingu.

Unnið er á þrískiptum vöktum, morgun-, kvöld- og næturvöktum. Boðið er upp á einstaklingsmiðaða aðlögun, stuðning í starfi og starfsþróunarár fyrir sjúkraliða.

Menntunar- og hæfniskröfur

Íslenskt sjúkraliðaleyfi

Reynsla af líkamlegri umönnun

Áhugi á geðhjúkrun

Reynsla af geðhjúkrun kostur

Faglegur metnaður og ábyrgð í starfi

Sjálfstæð og skipulögð vinnubrögð

Hæfni til að vinna vel undir álagi

Góð íslenskukunnátta, bæði í mæltu og rituðu máli

Helstu verkefni og ábyrgð

Hjúkrun, umönnun og stuðningur við meðferð einstaklinga

Virk þátttaka í þverfaglegu starfi á deild

Er leiðandi og styðjandi við annað starfsfólk á deild varðandi líkamlega umönnun, byltuvarnir og sýkingarvarnir

Stuðla að öryggi sjúklinga og starfsfólks með virkri þátttöku í varnarteymi geðsviðs

Hafa umsjón með ýmsum störfum sem snúa að daglegum rekstri deildar

Stuðla að góðum starfsanda

Starfshlutfall: 80-100%

Laun samkvæmt gildandi kjarasamningi sem fjármála- og efnahagsráðherra og Sjúkraliðafélag Íslands hafa gert.

Umsókn fylgi náms- og starfsferilskrá ásamt kynningarbréfi og afriti af prófskírteinum og starfsleyfi. Fylgiskjöl skulu vera á pdf formi.

Tekið er mið af jafnréttisstefnu Landspítala við ráðningar á spítalanum. Öllum umsóknum verður svarað.

Landspítali er lifandi og fjölbreyttur vinnustaður þar sem um 7000 einstaklingar starfa í þverfaglegum teymum og samstarfi ólíkra fagstétta. Framtíðarsýn Landspítala er að þar sé veitt framúrskarandi heilbrigðisþjónusta byggð á vísindum, fagmennsku og umhyggju, öflugu fagfólki og studd með umgjörð og aðbúnaði sem sómi er að.

Landspítali hefur hlotið jafnlaunavottun samkvæmt jafnlaunastaðlinum ÍST85:2012, úttekt framkvæmd af Versa vottun ehf.

Umsóknir geta gilt í 6 mánuði frá birtingu auglýsingar, sbr. 3. tl. 2. mgr. 2. gr. reglna nr. 1000/2019 um auglýsingar lausra starfa með síðari breytingum.

Starfsmerkingar: Heilbrigðisþjónusta, Sjúkraliði, hjúkrun

Tungumálakunnátta: íslenska 4/5

Staðsetning: Hringbraut, 105 Reykjavík

Nánari upplýsingar

Guðfinna Betty Hilmarsdóttir

Tölvupóstur: [email protected]

Lóa Björk Bjerkli Smáradóttir

Tölvupóstur: [email protected]

Auglýsing birt24. nóvember 2025

Umsóknarfrestur8. desember 2025

Tungumálahæfni

Íslenska

Nauðsyn

Mjög góð

Staðsetning

Skaftahlíð 24, 105 Reykjavík

Starfstegund

Starfsgreinar

Starfsmerkingar

Fleiri störf (42)