Laus störf Hæfnileit Vinnustaðir Námskeið

Landspítali

Landspítali er lifandi og fjölbreyttur vinnustaður þar sem yfir 7000 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að veitt sé framúrskarandi heilbrigðisþjónusta byggð á vísindum, fagmennsku og umhyggju, öflugu fagfólki og studd með umgjörð og aðbúnaði sem sómi er að.

Vinnustaðurinn

Sjúkraliði á kvenlækningadeild 21A

Sjúkraliði óskast til starfa á kvenlækningadeild 21A Landspítala. Á deildinni starfar samhent teymi starfsfólks sem veitir fjölþætta heilbrigðisþjónustu allan sólarhringinn. Deildin er annars vegar göngudeild, bráðamóttaka og aðgerðarstofa og hins vegar dag- og legudeild. Deildin sinnir skjólstæðingum með góðkynja og illkynja sjúkdóma í grindarholi og brjóstum sem og skjólstæðingum frá öðrum sérgreinum almennra skurðlækninga. Þá sinnir deildin bráðatilvikum vegna kvensjúkdóma utan opnunartíma bráðaþjónustu kvennadeilda.

Í boði er spennandi, krefjandi og líflegt starfsumhverfi, góður starfsandi og fjölbreytt tækifæri til faglegrar þróunar. Vinnufyrirkomulag er vaktavinna 60-100%, einkum morgun- og næturvaktir á virkum dögum. Starfið er laust frá 15. janúar 2026 eða eftir nánara samkomulagi.

Menntunar- og hæfniskröfur

Íslenskt sjúkraliðaleyfi

Faglegur metnaður, frumkvæði og ábyrgð í starfi

Jákvætt viðmót, sveigjanleiki og góðir samskiptahæfileikar

Reynsla í starfi sjúkraliða æskileg

Hæfni og geta til að starfa í teymi

Mjög góð íslenskukunnátta

Helstu verkefni og ábyrgð

Hjúkrun sjúklinga fyrir og eftir aðgerðir

Umönnun og eftirlit aðgerðarsjúklinga, undirbúningur þeirra og fyrirbygging fylgikvilla

Umönnun annarra sjúklinga á deild með ýmis vandamál í kvenlíffærum

Virk þátttaka í teymis- og umbótastarfi

Aðstoð á göngudeild/bráðamóttöku eftir þörfum

Starfshlutfall: 60-100%

Laun samkvæmt gildandi kjarasamningi sem fjármála- og efnahagsráðherra og Sjúkraliðafélag Íslands hafa gert.

Umsókn fylgi náms- og starfsferilskrá ásamt afriti af prófskírteinum og starfsleyfi. Fylgiskjöl skulu vera á pdf formi.

Tekið er mið af jafnréttisstefnu Landspítala við ráðningar á spítalanum. Öllum umsóknum verður svarað.

Landspítali er lifandi og fjölbreyttur vinnustaður þar sem um 700 einstaklingar starfa í þverfaglegum teymum og samstarfi ólíkra fagstétta. Framtíðarsýn Landspítala er að þar sé veitt framúrskarandi heilbrigðisþjónusta byggð á vísindum, fagmennsku og umhyggju, öflugu fagfólki og studd með umgjörð og aðbúnaði sem sómi er að.

Landspítali hefur hlotið jafnlaunavottun samkvæmt jafnlaunastaðlinum ÍST85:2012, úttekt framkvæmd af Versa vottun ehf.

Umsóknir geta gilt í 6 mánuði frá birtingu auglýsingar, sbr. 3. tl. 2. mgr. 2. gr. reglna nr. 1000/2019 um auglýsingar lausra starfa með síðari breytingum.

Starfsmerkingar: Heilbrigðisþjónusta, sjúkraliði

Tungumálahæfni: íslenska 4/5

Staðsetning: Hringbraut, 101 Reykjavík

Nánari upplýsingar

Hrund Magnúsdóttir

Tölvupóstur: [email protected]

Sími: 543-3041

Auglýsing birt8. desember 2025

Umsóknarfrestur18. desember 2025

Tungumálahæfni

Íslenska

Nauðsyn

Mjög góð

Staðsetning

Hringbraut 37-41 37R, 101 Reykjavík

Starfstegund

Starfsgreinar

Starfsmerkingar

Fleiri störf (50)

Aðstoðardeildarstjóri hjúkrunar á bráðalyflækningadeild A2