Laus störf Hæfnileit Vinnustaðir Námskeið

Landspítali

Landspítali er lifandi og fjölbreyttur vinnustaður þar sem yfir 7000 einstaklingar starfa í þverfaglegum teymum og samstarfi ólíkra fagstétta. Framtíðarsýn Landspítala er að veitt sé framúrskarandi heilbrigðisþjónusta byggð á vísindum, fagmennsku og umhyggju, öflugu fagfólki og studd með umgjörð og aðbúnaði sem sómi er að.

Vinnustaðurinn

Sérnámsstöður í bæklunarskurðlækningum - Sérnámsstöður lækna á Landspítala og Sjúkrahúsinu á Akureyri

Lausar eru til umsóknar sérnámsstöður í sérnám í bæklunarskurðlækningum. Sótt er annaðhvort um fyrri hluta sérnáms (fyrstu tvö ár í sérnámi) eða seinni hluta sérnáms (seinni þrjú ár í sérnámi). Taka skal fram í umsókn hvort sótt er um fyrri eða seinni hluta sérnáms. Sérnámið er byggt á marklýsingu frá Svensk Ortopedisk Förening í Svíþjóð og er framgangsmat unnið samkvæmt þeirra forskrift og í samræmi við reglugerð 856/2023. Marklýsingin er vottuð og viðurkennd af mats- og hæfisnefnd Heilbrigðisráðuneytisins. Sérnám fer fram á Landspítala og á Sjúkrahúsinu á Akureyri og einnig í samstarfi við Handlæknastöðina.

Starfshlutfall er 100% eða samkvæmt samkomulagi. Upphafsdagur ráðningar er 27. febrúar 2024 en þann dag er móttökudagur, annars getur upphaf starfs verið samkvæmt samkomulagi við kennslustjóra.

Sérnám fer að mestu leyti fram á Landspítala en einnig á Sjúkrahúsinu á Akureyri í flestum greinum. Ef samvinna hefur verið staðfest milli LSH og SAk um sérnám í viðkomandi sérgrein er gert ráð fyrir að sérnámslæknar vinni á báðum stöðum nema sérstakar aðstæður leyfi það ekki.

Sérnám í læknisfræði á Íslandi hefur þróast hratt á undanförnum árum. Nú er veitt sérnám í flestum grunngreinum lækninga á Íslandi í samræmi við alþjóðleg gæðaviðmið. Sérnám lækna hefur mikilvæga þýðingu fyrir framþróun lækninga, gæði og öryggi þjónustu við sjúklinga.

Doktorsnám er mögulegt samhliða klínísku sérnámi. Ef fyrir liggur samþykkt rannsóknaráætlun fyrir doktorsnám getur umsækjandi sótt um slíka stöðu. Að lágmarki væri þá um 50% ráðningu við Landspítala að ræða eða eftir samkomulagi og klínískt sérnám lengt sem því nemur og í samræmi við reglugerð 856/2023. Taka skal óskir um slíkt sérstaklega fram í athugasemdum við umsókn og í kynningarbréfi.

Sjá .

Sjá almennt um sérnám í læknisfræði, og .

Menntunar- og hæfniskröfur

Hafa lokið sérnámsgrunni eða sambærilegu starfsnámi við upphaf sérnáms*

Hafa lokið fyrri hluta sérnáms til að hefja seinni hluta sérnáms

Íslenskt lækningaleyfi eða uppfylla skilyrði til þess*

Áhugi á að starfa við viðkomandi sérgrein

Lágmarkskunnátta í íslensku, nema samkomulag sé um annað

Fyrri starfsreynsla, reynsla af vísinda-, umbóta- og gæðastörfum æskileg

Frumkvæði og sjálfstæð vinnubrögð

Jákvæðni, sveigjanleiki og lipurð í samskiptum

Áreiðanleiki, stundvísi og árangursmiðað viðhorf

Helstu verkefni og ábyrgð

Vinna og nám á bæklunarskurðdeild, dag- og göngudeildum, skurðstofum og legudeildum ásamt vaktþjónustu undir handleiðslu sérfræðilækna

Þátttaka í ráðgjafaþjónustu undir handleiðslu sérfræðilækna

Kennsla lækna í sérnámsgrunni, læknanema og annarra fagstétta heilbrigðisstarfsfólks

Þátttaka í gæða- og vísindavinnu

Sérnámslæknir ber sjálfur ábyrgð á fullri þátttöku í öllum þáttum sérnáms og skrásetningu þess í samræmi við marklýsingu og skráningarkerfi

Framgangur milli námsára er ákvarðaður með árlegu framvindumati og er launasetning í samræmi við staðfesta framvindu

Þátttaka í fræðslu og hermikennslu

Starfshlutfall: 100%

Laun samkvæmt gildandi kjarasamningi sem fjármála- og efnahagsráðherra og Læknafélag Íslands hafa gert.

Í umsóknarformið skal skrá inn upplýsingar um:

Fyrri störf, menntun og hæfni
Félagsstörf
Mögulega umsagnaraðila

Nauðsynleg fylgiskjöl:

Vottað afrit af prófskírteinum og starfsleyfum.
Tilgreind reynsla af kennslu, vísindavinnu og stjórnunarstörfum ásamt yfirliti yfir birtar vísindagreinar (eða í ritrýni) sem umsækjandi er höfundur að.
Kynningarbréf með persónulegum markmiðum umsækjenda varðandi starfið auk rökstuðnings fyrir hæfni.
Staðfestingu um áætluð lok sérnámsgrunns ef því er ekki nú þegar lokið.
Ákvörðun um ráðningu byggist á innsendum gögnum og viðtölum eftir því sem við á. Öllum umsóknum verður svarað.

Landspítali áskilur sér rétt til að falla frá áformum um ráðningu eða ráða fleiri en einn á grundvelli auglýsingar þessarar

Landspítali er lifandi og fjölbreyttur vinnustaður þar sem yfir 6000 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að vera háskólasjúkrahús í fremstu röð þar sem sjúklingurinn er ávallt í öndvegi. Lykiláherslur í stefnu spítalans eru öryggismenning, skilvirk og vönduð þjónusta, uppbygging mannauðs og stöðugar umbætur.

Sjúkrahúsið á Akureyri veitir almenna og sérhæfða heilbrigðisþjónustu, þar sem áhersla er lögð á bráðaþjónustu og helstu sérgreinameðferðir. Sjúkrahúsið er kennslusjúkrahús og þekkingarstofnun sem leggur metnað sinn í kennslu og rannsóknir í heilbrigðisvísindum. Sjúkrahúsið á Akureyri leggur áherslu á samvinnu við heilbrigðisstofnanir á landsbyggðinni, tekur þátt í uppbyggingu heilbrigðisþjónustu á landsvísu og er miðstöð læknisfræðilegrar þjónustu sjúkraflugs í landinu.

Starfsmerkingar: Heilbrigðisþjónusta, sérnámslæknir, læknir með lækningaleyfi

Nánari upplýsingar

Ólöf Sara Árnadóttir, [email protected],

Gunnar Thorarensen, [email protected],

Skrifstofa framkvæmdastjóra lækninga

Skaftahlíð 24

105 Reykjavík

Auglýsing birt6. september 2023

Umsóknarfrestur29. september 2023

Tungumálahæfni

Engar sérstakar tungumálakröfur

Staðsetning

Skaftahlíð 24, 105 Reykjavík

Starfstegund

Starfsgreinar

Starfsmerkingar

Fleiri störf (37)

Sérfræðingur á sviði storkurannsókna á rannsóknarkjarna