Laus störf Hæfnileit Vinnustaðir Námskeið

Marbakki

Leikskólinn Marbakki tók til starfa árið 1986 og er staðsettur á einkar fallegum stað í Sæbólshverfi í Kópavogi. Einkunnarorð Marbakka eru sjálfstæð, glöð og skapandi börn. Leikskólinn starfar eftir starfsaðferðum Reggio Emilia en undirstaða þeirra starfsaðferða er lýðræði. Lögð er áhersla á að börnin alist upp við að þau hafi heilmikið um sitt eigið líf að segja, þau hafi bæði rödd og áhrif. Litið er á barnið sem hæfileikaríkt og skapandi og að virkni þess og áhugahvöt sé árangursríkasti drifkrafturinn í námi þess.

Vinnustaðurinn

Sérkennslustjóri óskast í Marbakka

Leikskólinn Marbakki auglýsir eftir sérkennslustjóra í 50% stöðu með möguleika á fullu starfi með stuðningi í 50% stöðu.

Leikskólinn Marbakki er fimm deilda leikskóli með rými fyrir 98 börn. Leikskólinn tók til starfa árið 1986 og er staðsettur í Sæbólshverfi í Kópavogi. Unnið er í anda starfsaðferða Reggio Emilia. Einkunnarorð skólans eru sjálfstæð, glöð og skapandi börn.

Leitað er eftir áhugasömum einstaklingi sem hefur metnað fyrir starfinu. Eitt meginverkefni sérkennslustjóra er að vera faglegur umsjónamaður sérkennslu í leikskólanum.

Menntunar- og hæfniskröfur

Leikskólakennaramenntun, þroskaþjálfamenntun eða önnur sambærileg menntun sem nýtist í starfi.

Framhaldsnám í sérkennslufræðum eða öðru sem nýtist í starfi æskilegt.

Reynsla af starfi í leikskóla.

Frumkvæði í starfi, vera jákvæður, geta unnið sjálfstætt og eiga auðvelt með samskipti.

Góð íslenskukunnátta.

Helstu verkefni og ábyrgð

Ber ábyrgð á og stjórnar skipulagningu, framkvæmd og endurmati sérkennslu í leikskólanum ásamt leikskólastjóra.

Er faglegur umsjónarmaður sérkennslu í leikskólanum, annast frumgreiningu og ráðgjöf til annarra starfsmanna leikskólans.

Vinnur í nánu samstarfi við deildastjóra og foreldra/forráðamenn barna sem njóta sérkennslu í leikskólanum, situr fundi er varða sérkennslu, innan skóla og utan.

Miðlar fræðslu til starfsmanna er tengist sérkennslu.

Ráðningartími og starfshlutafall
Starfið er laust frá 1.ágúst nk.
Starfshlutfall sérkennslustjóra er 50%, möguleiki á fullu starfi með stuðningi í 50%.

Nánari upplýsingar
Laun eru samkvæmt kjarasamningi Sambands íslenskra sveitafélaga og viðeigandi stéttarfélags.

Þeir sem ráðnir eru í leikskóla Kópavogs þurfa að skila sakavottorði.

Nánari upplýsingar um starfið veitir Alda Agnes Sverrisdóttir, leikskólastjóri í síma 441 5800.

Auglýsing birt8. september 2021

Umsóknarfrestur21. september 2021

Tungumálahæfni

Engar sérstakar tungumálakröfur

Staðsetning

Digranesvegur 1, 200 Kópavogur

Starfstegund

Starfsgreinar

Starfsmerkingar