Sérkennslustjóri Heilsuleikskólinn Kór

Heilsuleikskólinn Kór sem staðsettur er í Baugakór í Kópavogi auglýsir eftir sérkennara, þroskaþjálfa eða með sambærilega menntun í stöðu sérkennslustjóra í skólanum. Staðan er laus frá ágúst 2022.

Heilsuleikskólinn Kór er sjálfstætt starfandi er sex deilda skóli með um 112 börnum og starfar eftir Heilsustefnu Unnar Stefánsdóttur sem leggur áherslu á hreyfingu, sköpun og næringu. Kjörorð okkar er „heilbrigð sál í hraustum líkama“

Í stefnu skólans er lögð rík áhersla á jákvæða og umhyggjusama skólamenningu og öflugt lærdómssamfélag þar sem samvinna og gleði ríkir.

Aðrar áherslur:

Heilsueflandi leikskóli

• Tökum þátt í þróunarverkefni með Landlæknisembættinu um heilsueflandi leikskóla.

Leikur og sköpun

• Áhersla á umhyggjusamt námsumhverfi
• Efla hlutverka- og ímyndunarleik barnanna
• Fjölbreytt tækifæri til sköpunar í hvetjandi umhverfi

Jákvæð og uppbyggjandi samskipti

• „Blær“ vináttuverkefni er forvarnarverkefni gegn einelti ætlað leikskólum, fyrstu bekkjum grunnskóla og dagforeldrum.

Læsi og málörvun

• „Lubbi finnur málbein“, íslensku málhljóðin í brennidepli. Bókin um Lubba er hugsuð til málörvunar og hljóðanáms fyrir börn á aldrinum tveggja til sjö ára.

Umhverfismennt

• Grænfánaskóli síðan 2012
• Útinám, mikil áhersla á vettvangsnám og nærumhverfi okkar

Umsækjandi þarf að vera:

• Tilbúinn að tileinka sér stefnu og starfsaðferðir skólans.
• Samvinnufús og hefur góða hæfni í samskiptum.
• Tilbúinn að taka þátt í öflugri starfsþróun.
• Stundvís, samviskusamur, jákvæður, sýna frumkvæði og hafa ánægju af því að vinna með ungum börnum

Menntunar- og hæfniskröfur

• Kennaramenntun
• Þroskaþjálfi
• Reynsla af sérkennslu er æskileg
• Góð íslenskukunnátta er skilyrði

Sérkennslustjóri er ráðinn í 75% stöðu með möguleika á fullu starfi.

Frekari upplýsingar veita Berglind R. Grétarsdóttir og Kolbrún G. Haraldsdóttir í síma 570 - 4940 eða á netfangið kor@skolar.is

Umsóknarfrestur er til 31. maí 2022.