Hafnarfjarðarbær

Hafnarfjarðarbær er þriðja stærsta sveitarfélag landsins og þar starfa um 2000 manns. Áhersla er lögð á að hjá bænum starfi fólk sem getur veitt bestu þjónustu sem völ er á af þekkingu, ábyrgð og metnaði.

Vinnustaðurinn

Sérkennari - Hraunvallaskóli

Hraunvallaskóli auglýsir eftir sérkennara til að sinna sérkennslu skólaárið 2023-2024

Sérkennari er hluti af sérkennsluteymi skólans og vinnur í nánu samstarfi við umsjónarkennara að námi barna með sérþarfir.

Skólinn hefur þá sérstöðu að innan veggja hans er rekinn bæði leik- og grunnskóli. Segja má að nemendur hefji skólagöngu sína átján mánaða í Hraunvallaskóla og ljúki henni við sextán ára aldur. Hraunvallaskóli starfar eftir hugmyndafræði opna skólans og er byggingin hönnuð með það í huga. Kennsla er miðuð við að mæta ólíkum þörfum einstaklinga sem læra að skipuleggja nám sitt sjálfir og meta árangur sinn.

Í kennsluskipulagi er lögð áhersla á skipulag sem byggir á hópavinnu, þemanámi, einstaklingsvinnu, þrautalausnum, gagnrýnni hugsun og færni nemenda til að afla sér þekkingar og nýta sér nýjustu upplýsinga- og samskiptatækni í því skyni. Kennarar vinna saman í teymum í kennslustundum og við skipulagningu og undirbúning kennslunnar. Nemendur í sama árgangi eru í sameiginlegum umsjónarhópum með sameiginlega umsjónarkennara á sínum heimasvæðum. Dyggðir Hraunvallaskóla eru vinátta – samvinna – ábyrgð.

Helstu verkefni og ábyrgð

Annast sérkennslu í skólanum með áherslu á unglingastig. Helstu kennslugreinar eru íslenska og stærðfræði

Vinnur að þróun skólastarfs í samstarfi við stjórnendur og samstarfsfólk

Stuðlar að velferð nemenda í samstarfi við foreldra og annað fagfólk

Vinnur samkvæmt stefnu skólans í SMT skólafærni sem ætlað er að skapa gott andrúmsloft í skólum og tryggja öryggi og velferð nemenda og starfsfólks.

Önnur verkefni skv. starfslýsingu og sem yfirmaður felur starfsmanni

Menntunar- og hæfniskröfur

Leyfisbréf sem kennari (leyfisbréf fylgi umsókn)

Framhaldsmenntun á sviði sérkennslufræða æskileg

Reynsla af sérkennslu æskileg

Áhugi á að starfa með börnum og ungmennum

Lipurð í samskiptum, sveigjanleiki og samstarfshæfni

Frumkvæði og sjálfstæði í vinnubrögðum

Jákvæðni og áhugi á að starfa í skapandi og metnaðarfullu umhverfi

Stundvísi og samviskusemi

Góð íslenskukunnátta

Nánari upplýsingar um starfið veitir Lars J. Imsland skólastjóri, lars@hraunvallaskoli.is, Ásta Björk Björnsdóttir aðstoðarskólastjóri astabjork@hraunvallaskoli.is og Guðbjörg Norðfjörð Elíasdóttir aðstoðarskólastjóri gudbjorgn@hraunvallaskoli.is eða í síma 590 2800.

Laun eru samkvæmt kjarasamningi Sambands íslenskra sveitarfélaga og KÍ.

Vakin er athygli á stefnu Hafnarfjarðarbæjar að jafna hlutfall kynjanna í störfum hjá bænum og að vinnustaðir bæjarins endurspegli fjölbreytileika samfélagsins.

Auglýsing stofnuð18. september 2023

Umsóknarfrestur2. október 2023

Starfstegund

Staðsetning

Drekavellir 9, 221 Hafnarfjörður

Starfsgreinar

Starfsmerkingar

Fleiri störf (19)