Sérhæfður sjúkraliði á Öldrunarlækningadeild L3

Við óskum eftir sérhæfðum sjúkraliðum sem hafa lokið fagnámi til diplómaprófs í öldrunar- og heimahjúkrun. Um tilraunaverkefni er að ræða til eins árs á öldrunarlækningadeild L3 og því spennandi tækifæri að fá að taka þátt í að móta nýtt starf innan endurhæfingarþjónustunnar. Sérhæfðir sjúkraliðar styðja við hjúkrunarfræðinga og stýra ófaglærðu starfsfólki og öðrum sjúkraliðum. Þeir tryggja að framkvæmd hjúkrunar sé í samræmi við bestu þekkingu og verklag hverju sinni.

Öldrunarlækningadeild L3 er staðsett á Landakoti, í hjarta Reykjavíkur, í fallegu og friðsælu umhverfi. Þar dvelja sjúklingar með gilt færni- og heilsumat sem bíða eftir vistun á hjúkrunarheimili. Áhersla er lögð á nærgætin samskipti, mannúðlega nálgun og jákvætt framlag hvers og eins. Við vinnum saman og fögnum nýjum röddum, sjónarhornum og hugmyndum.

Starfshlutfall er 80-100% og er starfið laust nú þegar eða samkvæmt nánara samkomulagi. Áhugasömum er velkomið að hafa samband við Bryndísi, deildarstjóra.