Sérhæfðar fjárfestingar

Alfa Framtak er rekstraraðili sérhæfðra sjóða. Við fjárfestum í fjölbreyttum fyrirtækjum, styðjum við vöxt og leiðum umbreytingar. Við vinnum náið með stjórnendum, athafnafólki og fyrirtækjaeigendum sem vilja ná því besta út úr sínum rekstri. Markmið okkar er að hámarka verðmæti fjárfestinga og skila fyrirtækjum af sér í betra ástandi við sölu og þannig skilja eftir okkur jákvæð fótspor í íslensku viðskiptalífi.

Vegna aukinna umsvifa leitum við nú að tveimur sérfræðingum og/eða greinendum í teymið. Meðal þess sem viðkomandi aðilar munu vinna að er gagnaöflun og ítarlegar greiningar á fjárfestingarkostum, verðmöt, kynningarefni og skýrslur til hluthafa. Þá munu nýir aðilar fá tækifæri til þess að taka beinan þátt í verkefnum sem tengjast fjárfestingareignum okkar.

Viðkomandi þarf að hafa brennandi áhuga á viðskiptum og rekstri fyrirtækja og reynsla af fjármálamörkuðum er mikill kostur. Viðkomandi þarf að taka frumkvæði í sínum störfum, vera tilbúin(n) að leggja mikið á sig við nákvæmar greiningar og hafa getu til að miðla niðurstöðum í bæði ræðu og riti.

Umsóknarfrestur er til og með 27. október nk.

Óskað er eftir ferilskrá og kynningarbréfi (í einu skjali) sem útlistar hæfni og getu til þess að lenda hlaupandi í hröðu umhverfi.

Nánari upplýsingar veitir:
Kristján Pétur Sæmundsson hjá Brú Talent, kristjan@bru-talent.is