Laus störf Hæfnileit Vinnustaðir Námskeið

VÍS

VÍS er framúrskarandi vinnustaður með einstaka vinnustaðamenningu. Við erum fyrirmyndarfyrirtæki, leggjum áherslu á jafnrétti og höfum útrýmt launamun kynjanna. Við sköpum tækifæri fyrir starfsfólkið okkar til þess að vaxa og dafna – í lífi og starfi. Við bjóðum upp á nýsköpunarumhverfi og elskum hugrekki. VÍS ætlar að breyta því hvernig tryggingar virka og þannig fækka slysum og tjónum. Við leggjum ríka áherslu á sjálfbærni því við vitum að það er framtíðin.

Vinnustaðurinn

Sérfræðingur í markaðssetningu – tímabundið starf

Við leitum að skapandi og drífandi sérfræðingi í markaðssetningu til að ganga til liðs við öflugt markaðsteymi VÍS í afleysingu vegna fæðingarorlofs. Starfið hentar vel einstaklingi sem vill stíga sín fyrstu skref í starfi í markaðsdeild, öðlast dýrmæta reynslu og fá tækifæri til að vinna að fjölbreyttum og sýnilegum verkefnum fyrir eitt þekktasta vörumerki landsins.

Megináhersla starfsins er á efnissköpun samfélagsmiðla, en þú tekur jafnframt þátt í fjölbreyttum verkefnum markaðsdeildarinnar.

Ráðningartímabilið er frá 1. janúar 2027 til 15. nóvember 2027.

Helstu verkefni og ábyrgð

Hugmyndavinna, skipulag og framkvæmd efnissköpunar fyrir samfélagsmiðla og aðra stafræna miðla.
Gerð efnis sem vekur athygli og styrkir vörumerki VÍS.
Aðstoða við gerð og utanumhald efnisáætlana og birtinga.
Samskipti og samstarf við ytri aðila, svo sem framleiðendur, áhrifavalda, hönnuði og birtingastofu.
Fylgjast með og taka þátt í greiningu á árangri efnis og markaðsaðgerða.
Þátttaka í öðrum verkefnum markaðsdeildarinnar, til dæmis herferðum, viðburðum og innri markaðssetningu.

Menntunar- og hæfniskröfur

Háskólamenntun sem nýtist í starfi, til dæmis á sviði markaðsmála, viðskipta, miðlunar eða sambærilegra greina.
Reynsla eða mikill áhugi á markaðsmálum, samfélagsmiðlum og efnissköpun.
Góð tilfinning fyrir því hvað virkar á stafrænum miðlum og áhugi á þróun þeirra.
Hæfni til að skrifa skýran, lifandi og vandaðan texta á íslensku.
Frumkvæði, sköpunarkraftur og vilji til að læra.
Skipulögð og sjálfstæð vinnubrögð.
Góð samskiptafærni og hæfni til að vinna með ólíkum einstaklingum.

Það er kostur ef þú getur sýnt okkur dæmi um efni sem þú hefur skapað, hvort sem það er í starfi, námi eða eigin verkefnum.

Fríðindi í starfi

Tækifæri til að öðlast sterka og hagnýta reynslu af starfi í markaðsdeild.
Fjölbreytt verkefni og svigrúm til að koma hugmyndum í framkvæmd.
Stuðning og samstarf í skapandi og metnaðarfullu markaðsteymi.
Framúrskarandi vinnustaðamenningu og öflugt starfsmannafélag.
Aðgangur að góðu mötuneyti
Aðgang að orlofshúsum, golfklúbbi, rafmagnsbílastæðum, hjólageymslu og sturtu- og búningsaðstöðu.
Samgöngustyrk vegna vistvænna samgangna.
Tækifæri til að vaxa og dafna – í lífi og starfi.

Nánari upplýsingar veitir Trausti Sigurður Hilmisson, forstöðumaður markaðsmála, í netfanginu [email protected].

Umsóknarfrestur er til og með 22.nóvember 2026 Við hvetjum öll sem uppfylla hæfniskröfur til að sækja um, óháð kyni. Fullum trúnaði er heitið og öllum umsóknum verður svarað þegar ákvörðun um ráðningu hefur verið tekin.

Auglýsing birt10. nóvember 2026

Umsóknarfrestur22. nóvember 2026

Tungumálahæfni