Sérfræðingur við þróun efnaferla og efnavöru

Gefn óskar eftir að ráða efnafræðing eða efnaverkfræðing, með reynslu af vinnu á rannsóknarstofu, í fullt starf við þróun efnaferla og efnavöru.

Hjá Gefn er unnið að nýsköpun í grænni efnafræði. Við þróum og nýtum tækni til að umbreyta úrgangi og útblæstri í verðmæta efnavöru og eldsneyti. Við veitum einnig tækniþjónustu og þróum verkefni sem tengjast nýtingu tækninnar. Gefn á í samstarfi við fjölda aðila innanlands og erlendis.

Verkefni viðkomandi munu einkum fela í sér vinnu við:

• Efnasmíðar, efnagreiningar og þróun uppskrifta efnablanda
• Rekstur frumgerða efnaferla
• Þátttöku í hönnun og þróun efnaferla, tækja og mælibúnaðar
• Umsjón með rannsóknarstofu ásamt innkaupum á rekstrarvöru

Starfið mun bjóða upp á góða möguleika til þróunar í starfi, virkra þátttöku í uppbyggingu félagsins og sveigjanlegan vinnutíma.