Sérfræðingur í viðhaldsmálum

Hjá First Water eru spennandi tímar fram undan. Mikil og hröð uppbygging fiskeldisstöðvarinnar kallar á uppbyggingu viðhaldsstjórnunarkerfa.

Hjá okkur er markmiðið að byggja upp faglega viðhaldsstjórnun sem byggir á hugmyndafræði fyrirbyggjandi viðhalds. Við leitum því að vélstjóra, véltækni-eða iðnfræðingi, með reynslu af viðhaldsstjórnun og rekstri á vélbúnaði, til að slást í lið með okkur.

Helstu verkefni

• Innleiðing á viðhaldsstjórnunarkerfi
• Gerð viðhaldsáætlana
• Gerð verkbeiðna og eftirfylgni með verkum
• Val og innkaup á búnaði
• Rýni teikninga og hönnunargagna
• Eftirlit með uppsetningu og gangsetningu á búnaði
• Umsjón með ástandsvöktunarbúnaði

Menntunar og hæfniskröfur

• Vélstjórn, véltækni-eða iðnfræði eða önnur sambærileg menntun
• Reynsla af DMM viðhaldsstjórnunarforritinu
• Reynsla af rekstri og viðhaldi vélbúnaðar
• Jákvæðni, frumkvæði og sjálfstæð vinnubrögð

Nánari upplýsingar veitir Árni Viggó Sigurjónsson viðhaldsstjóri, arni.sigurjonsson@firstwater.is

Umsóknafrestur er til og með 11. desember

First Water er framsækið íslenskt nýsköpunarfyrirtæki sem vinnur að uppbyggingu laxeldis á landi, og nýtir til þess náttúruauðlindir Íslands á sjálfbæran hátt. Lykillinn að velgengni félagsins mun liggja í mannauði þess og leggur félagið því ríka áherslu á öflugan hóp reynslumikils og drífandi starfsfólks.