Sérfræðingur í vatnamálum
Hjá Umhverfis- og orkustofnun eru laus til umsóknar tvö störf sérfræðinga í teymi hafs og vatns. Í boði er krefjandi starf í frjóu umhverfi sérfræðinga þar sem áhersla er lögð á framsýni, samstarf og árangur í þverfaglegri teymisvinnu.
Megin verkefni sérfræðinga felast í innleiðingu á verkefnum er tengjast verndun vatns og innleiðingu á vatnaáætlun Íslands, þar með talið aðgerðaáætlun og vöktunaráætlun. Um er að ræða fjölbreytt og spennandi verkefni tengd verndun vatns t.d. mat á ástandi vatns, álagi vegna mengunar/nýtingar, úrvinnslu gagna um vatnsgæði, stefnumótun til framtíðar, leiðsögn til hagaðila um verndun vatns og úrbætur til að tryggja vernd auðlindarinnar. Í starfinu felst jafnframt að vinna með fjölbreyttum hópi fag- og hagsmunaaðila að málefnum er varðar vatnsvernd sem falla innan starfssviðs Umhverfis- og orkustofnunar. Einnig eru töluverð samskipti við evrópskar og alþjóðlegar stofnanir.
- Framkvæmd laga og reglugerða á sviði vatnamála
- Framkvæmd vatnaáætlunar fyrir Ísland
- Málefni er varða vatnsgæði, og vatnsvernd og mat á álagi á vatn
- Gerð leiðbeininga, umsagna, gagnaskil, og samstarf við ýmsa hagsmunaaðila og teymi innan Umhverfis- og orkustofnunar
- Erlent og innlent samstarf sem tengist stjórn vatnamála
- Önnur verkefni innan teymis hafs- og vatns eftir því sem þörf krefur.
- Háskólapróf á meistarastigi í raunvísindum sem nýtist í starfi, s.s. líffræði, verkfræði, jarðfræði eða umhverfis- og auðlindafræði
- Reynsla eða sérstök þekking á sviði vatnsverndar er kostur
- Góð samstarfshæfni og sveigjanleiki í samskiptum
- Skipulögð og sjálfstæð vinnubrögð
- Þekking á opinberri stjórnsýslu er kostur
- Gott vald á íslensku og ensku bæði í ræðu og riti
- Haldbær þekking á einu Norðurlandamáli er kostur
- Stafræn hæfni
Íslenska
