PLAIO

PLAIO þróar skýjalausnir sem eru sérsniðnar að þörfum samheitalyfjaframleiðenda og gerir þeim kleift að skipuleggja framleiðslu og hráefnisinnkaup á skilvirkan hátt með notendavænni framsetningu. Kerfið leggur grunn að sjálfvirknivæðingu framleiðsluskipulagningar á grunni bestunaraðferða og gervigreindar. Viðskiptavinir félagsins hafa náð fram umtalsverðu rekstrarhagræði með notkun lausnarinnar sem gefur aukna yfirsýn, bætir ákvarðanatöku og dregur úr sóun. PLAIO er vinnustaður sem hefur metnað, einfaldleika og vöxt að leiðarljósi. Við trúum því að með því að halda hlutunum einföldum þá verði lífið betra. Við trúum því að metnaðarfull markmið og metnaður í vinnu skili árangri og skapi vöxt fyrir okkur sem einstaklinga og fyrirtæki. Við trúum því að saman getum við allt! Komdu og vertu með! Lífið er skemmtilegra með PLAIO!

Vinnustaðurinn

Sérfræðingur í tækniinnviðum (Infrastucture engineer)

Vertu hluti af teymi sem vinnur að byltingarkenndri tækniþróun fyrir lyfja- og líftækniheiminn!

Við í PLAIO leitum að jákvæðum sérfræðingi með mikla reynslu og framúrskarandi hæfni í tækniinnviðum.

PLAIO er ört stækkandi fyrirtæki sem er búið að skapa sér nafn í lyfja- og líftækniheiminum. Fyrirtækið þróar framleiðslustýringarkerfi fyrir lyfjafyrirtæki og er með viðskiptavini víðsvegar í Evrópu og Bandaríkjunum. PLAIO stefnir á mikla skölun á næstu árum. Það eru því mikil vaxtartækifæri til staðar!

Taktu þátt í ævintýrinu! Lífið er skemmtilegra með PLAIO!

Um starfið

Við leitum að metnaðarfullum og reynslumiklum sérfræðingi í tækniinnviðum til að bætast í teymið okkar. Í þessu hlutverki munt þú bera ábyrgð á að hanna og þróa skalanlega tækniinnviði, aðstoða tækniteymin við uppsetningu og viðhald innviða sem og halda utanum skýjalausnir fyrirtækisins.

Við leggjum áherslu á að fá inn manneskju sem passar í teymið og er tilbúin að læra, vaxa og vera í samskiptum við kúnna ásamt því að leysa tæknileg vandamál.

Helstu verkefni og ábyrgð

Viðhalda og bæta núverandi skýjainnviði fyrir hugbúnaðarþróun.
Tryggja skalanleika þróunarferlisins.
Leiðbeina og aðstoða tækniteymin við að bæta innviði.
Nýta skýlausnir á skilvirkan hátt.
Þróa og viðhalda aðferðum fyrir innviði sem kóða (Infrastructure as Code).
Vinna við þróun á samfelldri samþættingu og afhendingu (CI/CD) í samstarfi við tækniteymin.
Rannsaka og innleiða nýja tækni til að efla kerfið.
Innleiða og þróa í samstarfi við teymin lausnir fyrir vöktun á kerfum (Observability Platform).
Ber ábyrgð á að grunninnviðir séu settir upp eftir bestu aðferðum og öryggisstöðlum og tryggi almennt öryggi gagna og skýjaþjónustu.

Fríðindi í starfi