Sérfræðingur í stjórnkerfum

Við erum að fjölga í stjórnkerfisteyminu okkar hjá COWI en á sviðinu starfa 20 einstaklingar sem vinna að umfangsmiklum og fjölbreyttum verkefnum tengdum stjórnkerfum í samstarfi við viðskiptavini okkar. Við erum stolt af því að geta lagt okkar af mörkum við að leysa hin ýmsu verkefni m.a. tengd hönnun og endurnýjun stjórnkerfa í jarðvarmavirkjunum, stjórnbúnaði fyrir ýmsar dælustöðvar og veitukerfi, kælikerfum fyrir gagnaver auk ýmissa verkefna innan stjórnkerfa í álverum og hjá fyrirtækjum í orkuframleiðslu og flutningi. Einnig vinnum við að verkefnum sem tengjast orkuskiptum og nýsköpun sem snúa oft að umhverfismálum sem við leggjum ríka  áherslu á hjá COWI. 

Lykilverkefni eru:

• Hönnun stjórnkerfa                     

• Forritun iðntölva og skjákerfa

• Gangsetningar og prófanir á stjórnkerfum 

• Vinna að uppbyggingu á sjálfvirknisviði með sterku teymi sérfræðinga í faghópi stjórnkerfa 

• Þátttaka í fjölbreyttum verkefnum í byggingum almennt, heilbrigðisstofnunum, orku, iðnaði og veitum 

Þú þarft að vera tilbúin til að vinna náið með fólkinu í kringum þig, hvort sem um ræðir samstarfsfólk, samstarfsaðila eða viðskiptavini. Að hafa góða þjónustulund, jákvætt viðhorf og að vera lausnamiðaður er afar mikilvægt í þessu starfi ásamt því að hafa góða færni og lipurð í mannlegum samskiptum. 

Við erum að leitast eftir: 

• Verk- eða tæknifræðimenntun, M.Sc. eða B.Sc. 

• Reynsla eða áhugi á forritun iðntölva og skjákerfa

• Þekking á PLC & SCADA er mikill kostur

• Iðnnám í rafvirkjun/rafeindavirkjun er kostur 

• Samskiptahæfileikar og hæfni til að vinna í hóp 

• Geta unnið sjálfstætt og sýnt frumkvæði í starfi  

Starfið býður upp á margvísleg tækifæri fyrir réttan aðila en auk þess að bjóða upp á þverfaglegt og alþjóðlegt vinnumhverfi með frábæru teymi bjóðum við upp á:

• Sveigjanlegan vinnutíma
• Verkefnamiðað vinnuumhverfi
• Niðurgreitt mötuneyti
• Öflugt starfsmannafélag
• Full laun í fæðingarorlofi
• Samgöngustyrk
• Líkamsræktarstyrk
• Líkamsræktar- og sturtuaðstöðu