Sérfræðingur í stefnumótandi innkaupum

Viltu hafa áhrif, nýta innkaupamátt hins opinbera og gera betri samninga?

Við leitum að öflugum og metnaðarfullum einstaklingi sem hefur áhuga á að auka hagkvæmni í opinberum rekstri með gerð miðlægra samninga um innkaup hins opinbera. Árlega nema innkaup ríkisins um 300 ma.kr., og eru tækifærin því mörg.

Sérfræðingur í stefnumótandi innkaupum tekur þátt í mótun innkaupamála hjá ríkinu ásamt því að koma að viðskiptaumsjón, forgangsröðun samninga og vöruflokkastjórnun. Í starfinu er lögð áhersla á betri nýtingu gagna til gagnadrifinnar ákvarðanatöku og umbóta í starfsemi ríkisins.

Helstu verkefni og ábyrgð:

• Þátttaka í þróun og framkvæmd stefnumótandi innkaupa og virðisaukandi greininga
• Ráðgjöf til opinberra aðila og annarra samstarfsaðila
• Verkefnastjórnun og viðskiptaumsjón
• Samningagerð
• Upplýsinga- og fræðslumiðlun í ræðu og riti

Menntunar- og hæfniskröfur:

• Háskólamenntun sem nýtist í starfi, framhaldsmenntun er kostur
• Greiningarhæfni, rökhugsun og lausnamiðuð nálgun
• Þjónustulund og góð hæfni í mannlegum samskiptum
• Þekking og reynsla af rekstri er kostur
• Frumkvæði og geta til að vinna sjálfstætt jafnt sem og í teymi
• Góð færni í Excel og PowerPoint krafa, þekking á PowerBi er kostur
• Góð færni í að miðla efni í ræðu og riti á bæði íslensku og ensku

Umsóknarfrestur er til og með 18. júní 2024. Umsókn óskast fyllt út á www.intellecta.is og þarf henni að fylgja ítarleg starfsferilskrá og kynningarbréf (hvort tveggja á íslensku) þar sem gerð er grein fyrir ástæðu umsóknar og hæfni umsækjanda til að gegna starfinu. Öllum umsóknum verður svarað að ráðningu lokinni. Um 100% starf er að ræða og eru laun samkvæmt gildandi kjarasamningi milli fjármála- og efnahagsráðherra og viðeigandi stéttarfélags. Við ráðningu í starfið er farið eftir jafnréttisstefnu Fjársýslunnar.

Nánari upplýsingar veitir Thelma Kristín Kvaran (thelma@intellecta.is) í síma 511 1225.