Laus störf Hæfnileit Vinnustaðir Námskeið

Samgöngustofa

Samgöngustofa er stjórnsýslustofnun samgöngumála sem annast eftirlit með flugi, siglingum og umferð. Á hverjum degi erum við að læra hvert af öðru og sinna viðskiptavinum af kostgæfni með það að markmiði að verða betri og betri.

Vinnustaðurinn

Sérfræðingur í skipadeild Samgöngustofu á Ísafirði

Samgöngustofa leitar að öflugum og lausnamiðuðum sérfræðingi til starfa í skipadeild á Ísafirði. Um er að ræða fjölbreytt starf á sviði öryggis og eftirlits í siglingum, þar sem fagmennska, nákvæmni og góð samskipti eru lykilatriði.

Skipadeild gegnir mikilvægu hlutverki við að tryggja öryggi skipa og starfsemi þeirra. Við leitum að einstaklingi sem hefur áhuga á að taka virkan þátt í því verkefni og vinna með reynslumiklu teymi sérfræðinga. Starfshlutfall er 100%.

Helstu verkefni og ábyrgð

Útgáfa haffærisskírteina og annarra skipsskírteina í framhaldi af skoðun skipa.
Útgáfa farþegaleyfa og annarra starfsleyfa fyrir starfsemi í siglingum.
Þátttaka í eftirliti með skoðunarstofum skipa og flokkunarfélögum.
Samskipti og ráðgjöf til viðskiptavina vegna leyfisveitinga og reglna.
Þátttaka í þróun og umbótum á verkferlum innan vottaðs gæðakerfis skipadeildar.
Aðkoma að uppfærslu skoðunarhandbóka og skoðunarskýrslna í samstarfi við aðra sérfræðinga.

Menntunar- og hæfniskröfur

Menntun sem nýtist í starfi, svo sem skipstjórnar- eða vélstjórnarmenntun, eða sambærileg menntun/reynsla.
Reynsla af sjómennsku eða rekstri skipa mikill kostur.
Skipulögð og nákvæm vinnubrögð.
Mjög góð samskipta- og samvinnuhæfni.
Mjög góð íslensku- og enskukunnátta.
Frumkvæði, sjálfstæði og áræðni í starfi.
Góð almenn tölvukunnátta.
Þekking á gæða- og öryggisstjórnarkerfum er kostur.

Við bjóðum fjölbreytt og krefjandi starf í sérhæfðu og faglegu umhverfi.

Auglýsing birt25. febrúar 2026

Umsóknarfrestur9. mars 2026

Tungumálahæfni