Reitir

Starfsemi Reita felst í eignarhaldi á atvinnuhúsnæði sem leigt er til framsýnna fyrirtækja. Við leggjum áherslu á að sníða fasteignir að þörfum rekstraraðila og byggjum þannig upp traust langtímasambönd við okkar viðskiptavini. Eignasafn Reita samanstendur af um 135 eignum sem er að stærstum hluta verslunar- og skrifstofuhúsnæði á höfuðborgarsvæðinu. Meðal fasteigna félagsins má nefna stærstan hluta Kringlunnar, skrifstofubyggingar við Höfðabakka 9 og Vínlandsleið ásamt húsnæði höfuðstöðva Sjóvár, Origo, Advania og skrifstofu Landspítalans við Skaftahlíð 24. Hótelbyggingar í eigu Reita eru m.a. Hótel Borg, Hotel Hilton Nordica og Hotel Reykjavík Natura. Stærstu leigutakar Reita eru Hagar, Berjaya Hotels, ríki og sveitarfélög. Þá heldur félagið á nokkrum verðmætum byggingarreitum. Reitir fasteignafélag hf. er almenningshlutafélag skráð í Kauphöll síðan 2015. Eigendur félagsins eru að stærstum hluta íslenskir lífeyrissjóðir.

Vinnustaðurinn

Sérfræðingur í samskiptum og fjárfestatengslum

Reitir óska eftir að ráða sérfræðing í samskiptum og fjárfestatengslum í fjölbreytt og krefjandi starf sem reynir á frumkvæði og sjálfstæði í áhugaverðum verkefnum. Viðkomandi mun heyra undir forstjóra og vinna náið með stjórnendateymi þvert á fyrirtækið.

Helstu verkefni og ábyrgð

Mótun og framfylgd samskipta- og markaðsáætlunar félagsins í samræmi við stefnu fyrirtækisins
Ritstjórn og framsetning tilkynninga fyrir fjölmiðla, Kauphöll og eigin miðla (þ.m.t. samfélagsmiðla)
Samstarf við stjórnendur til að tryggja að fjárfestar, viðskiptavinir, greiningaraðilar og aðrir hagsmunaaðilar fái skýrar upplýsingar um framgang fyrirtækisins
Kynning á fyrirtækinu og tækifærum þess meðal fjárfesta, í samvinnu við forstjóra og fjármálastjóra
Uppsetning og framsetning skýrslna og kynningarefnis fyrir fasteigna- og þróunarverkefni, uppgjörsfundi og stjórnendateymi
Ábyrgð á ársskýrslugerð og uppsetningu sjálfbærniskýrslu, auk annarra reglulegra skýrslna
Umsjón með vef félagsins, þar á meðal vefsíðugerð vegna sérverkefna
Samræming og þróun kynningarefnis fyrir innri og ytri samskipti

Menntunar- og hæfniskröfur

Háskólamenntun sem nýtist í starfi
Haldbær reynsla af samskiptamálum á fyrirtækjamarkaði og/ eða reynsla í fjárfestatengslum
Gott vald á íslensku og ensku, bæði í ræðu og riti
Haldgóður skilningur á fjárfestingum og hlutabréfamörkuðum
Reynsla af gerð kynningarefnis og góð færni í framsetningu og miðlun efnis
Skipulagshæfni, geta til að vinna bæði sjálfstætt og í teymisvinnu í fjölbreyttum verkefnum
Reynsla af vefsíðustjórnun, samfélagsmiðlum og stafrænni miðlun er kostur
Frumkvæði og lausnamiðuð hugsun við stefnumótun og framkvæmd markaðs- og samskiptaverkefna, með áherslu á nýsköpun og hagkvæmar lausnir

Reitir er leiðandi fyrirtæki í fasteignaþróun ásamt rekstri og eignarhaldi atvinnuhúsnæðis. Innan eignasafns Reita eru um 460 þús. fermetra atvinnuhúsnæðis í rekstri auk 140 þús. fermetra atvinnuhúsnæðis og 700 íbúða í þróun.

Reitir leggja áherslu á sjálfbæra uppbyggingu innviða og langtíma leigusambönd þar sem sameiginlegur ávinningur leigutaka, okkar og samfélagsins er í forgrunni. Fyrirtækið er almenningshlutafélag skráð í Kauphöll síðan 2015. Eigendur eru að stærstum hluta íslenskir lífeyrissjóðir.

Umsóknarfrestur er til og með 11. nóvember nk.

Sótt er um starfið á www.vinnvinn.is

Umsókn skal fylgja ferilskrá og ítarlegt kynningarbréf á íslensku þar sem gerð er grein fyrir ástæðu umsóknar og rökstuðningur um hæfni viðkomandi til að gegna starfinu.

Nánari upplýsingar veita Hilmar G. Hjaltason (hilmar@vinnvinn.is) og Margrét Stefánsdóttir (margret@vinnvinn.is), hjá Vinnvinn.

Auglýsing birt30. október 2024

Umsóknarfrestur11. nóvember 2024

Tungumálahæfni