Sérfræðingur í próteintækni

Vegna nýrra og spennandi verkefna auglýsir ORF Líftækni hf. starf sérfræðings í próteintækni með áherslu á próteinhreinsun vaxtarþátta.

Leitað er að hæfileikaríkum einstaklingi sem mun vinna með öflugri próteintæknideild, að áframhaldandi þróun afkastamikilla aðferða í útdrætti og hreinsun próteina úr erfðatækniplöntum félagsins með nýrri tækni. Jafnframt sinna öðrum viðfangsefnum á sviði próteinlífefnafræði. Umsækjandinn þarf að vera áhugasamur varðandi starfið og verkefnin sem því fylgja og geta unnið í góðu samstarfi við aðra sérfræðinga og stjórnendur félagsins.