Laus störf Hæfnileit Vinnustaðir Námskeið

Samkeppniseftirlitið

Samkeppniseftirlitið fylgist með samkeppni fyrirtækja í síbreytilegu atvinnulífi landsins. Eftirlitið spornar við óhæfilegum hindrunum og takmörkunum á frelsi í atvinnurekstri, vinnur gegn skaðlegri fákeppni og samkeppnishömlum og auðveldar aðgang nýrra keppinauta að markaðnum. Hjá Samkeppniseftirlitinu starfar fjölbreyttur hópur hagfræðinga og lögfræðinga sem hefur brennandi áhuga á samkeppnismálum.

Vinnustaðurinn

Sérfræðingur í miðlun og kynningarmálum hjá Samkeppniseftirlitinu - umsóknafrestur framlengdur

Samkeppniseftirlitið leitar að metnaðarfullum og drífandi einstaklingi í nýtt starf sem sérfræðingur í miðlun og kynningarmálum. Starfið felur í sér ábyrgð, yfirsýn og umsjón með kynningar-, leiðbeiningar- og vefmálum Samkeppniseftirlitsins ásamt því að taka þátt í innleiðingu stafrænna lausna og ýmissa þróunarverkefna. Þá felur starfið einnig í sér náið samstarf við stjórnendur og starfsfólk Samkeppniseftirlitsins.

Helstu verkefni og ábyrgð

Mótun stefnu varðandi miðlunar-, fræðslu- og kynningarefni Samkeppniseftirlitsins
Efnishönnun, textagerð og myndvinnsla
Umsjón með vef- og samfélagsmiðlum Samkeppniseftirlitsins
Skipulag og framkvæmd viðburða
Þátttaka í innleiðingu stafrænna lausna, þróunar- og umbótaverkefna
Þjónusta og samskipti við samstarfsaðila, fjölmiðla og notendur stafrænna lausna
Aðstoð við stjórnendur og starfsfólk Samkeppniseftirlitsins í fjölbreyttum verkefnum
Þátttaka í alþjóðlegu samstarfi

Menntunar- og hæfniskröfur

Háskólamenntun sem nýtist í starfi
Mikil áhersla er lögð á gott vald á íslensku í ræðu og riti
Reynsla og þekking á kynningarmálum og miðlun
Reynsla og þekking á vefstjórn og samfélagsmiðlum
Reynsla af almannatengslum kostur
Nákvæmni, skipulagshæfni, frumkvæði og öguð vinnubrögð
Hæfni til að vinna sjálfstætt sem og í teymi
Mjög góð kunnátta í ensku og þekking á a.m.k. einu Norðurlandamáli
Framúrskarandi samskipta- og samstarfshæfni er skilyrði

Umsóknarfrestur er til og með 30. desember 2025. Með umsókn þarf að fylgja starfsferilsskrá og kynningarbréf. Nánari upplýsingar veitir Guðmundur Haukur Guðmundsson, verkefnastjóri ([email protected]) og Karítas Margrét Jónsdóttir, rekstrarstjóri ([email protected]) í síma 585-0700.

Sótt er rafrænt um starfið á starfatorg.is. Starfshlutfall er 100%. Laun eru skv. kjarasamningi fjármálaráðuneytisins og hlutaðeigandi stéttarfélags. Æskilegt er að viðkomandi geti hafið störf sem fyrst en það er þó samkomulagsatriði. Öllum umsóknum verður svarað að ráðningu lokinni.

Nánar um starfið og Samkeppniseftirlitið

Samkeppniseftirlitinu er falið að framfylgja samkeppnislögum, en í því felst m.a. að birta úrlausnir sem hafa almenna þýðingu, leiðbeina markaðsaðilum, benda stjórnvöldum á leiðir til að gera samkeppni virkari og vera að öðru leyti málsvari þeirra hagsmuna sem samkeppnislögum er ætlað að vernda. Samkeppniseftirlitið nýtur sjálfstæðis í þessum verkefnum, en jafnframt eru gerðar kröfur um víðtæka upplýsingagjöf. Sérfræðingi í miðlun og kynningarmálum er ætlað að halda utan um þessi verkefni og koma jafnframt að framþróun samkeppniseftirlits til samræmis við það sem best gerist í nágrannalöndum.

Hjá Samkeppniseftirlitinu starfar fjölbreyttur og þverfaglegur hópur sérfræðinga sem hefur brennandi áhuga á samkeppnismálum. Samkeppniseftirlitið leggur áherslu á að starfsmenn þess fái tækifæri til að sinna spennandi verkefnum, þróast í starfi og viðhalda jafnvægi milli vinnu og einkalífs.

www.samkeppni.is

Samkeppniseftirlitið áskilur sér rétt til þess að ráða á grundvelli auglýsingarinnar næstu sex mánuði eftir birtingu hennar, sbr. reglur um auglýsingar á lausum störfum nr. 1000/2019. Við ráðningar hjá Samkeppniseftirlitinu er tekið mið af jafnréttisstefnu og jafnréttisáætlun stofnunarinnar.

Auglýsing birt4. desember 2025

Umsóknarfrestur9. janúar 2026

Tungumálahæfni