Laus störf Hæfnileit Vinnustaðir Námskeið

Þjóðminjasafn Íslands

Þjóðminjasafn Íslands er vísinda- og þjónustustofnun í eigu íslenska ríkisins. Því er ætlað að vera miðstöð þjóðminjavörslu og rannsókna á menningarsögulegum minjum í landinu. Hlutverk þess er að auka og miðla þekkingu á menningararfi íslensku þjóðarinnar frá upphafi til vorra daga og stuðla að því að sem flestir geti haft gagn og gaman af sögu og minjum lands og þjóðar. Meginhluti safnhússins hýsir grunnsýningu Þjóðminjasafnsins: Þjóð verður til - menning og samfélag í 1200 ár.

Vinnustaðurinn

Sérfræðingur í miðlun menningarsögu

Sérfræðingur í miðlun menningarsögu

Þjóðminjasafn Íslands auglýsir laust til umsóknar starf sérfræðings í miðlun menningarsögu. Leitað er eftir öflugum einstaklingi sem hefur brennandi áhuga á menningarsögu, miðlun, ritstjórn og textavinnu.

Í boði er nýtt og áhugavert starf á kjarnasviði safneignar þar sem hópur sérfræðinga vinnur að faglegu safnastarfi og þjóðminjavörslu, þ.e. söfnun, skráningu, varðveislu, rannsóknum og miðlun safneignar (myndir, munir, þjóðhættir og hús). Aðalstarfsstöð viðkomandi starfsmanns er á Tjarnarvöllum 11 í Hafnarfirði.

Menntunar- og hæfniskröfur

Háskólapróf (BA/BS) sem nýtist í starfi

Reynsla af textavinnu nauðsynleg

Reynsla af safnastarfi æskileg

Mjög góð færni í íslensku og ensku, jafnt töluðu sem rituðu máli

Góð almenn tölvufærni

Skipulagshæfni, lipurð í mannlegum samskiptum og jákvætt viðmót

Frumkvæði, nákvæmni og metnaður í starfi

Helstu verkefni og ábyrgð

Þátttaka í gerð grunn- og sérsýninga og ritun sýningatexta

Umsjón með og/eða ritun texta í útgáfum á vegum safnsins

Ritun texta fyrir stafræna miðlun

Önnur verkefni tengd miðlun safnkostsins

Önnur textavinnsla t.d. vegna styrkumsókna

Þátttaka í öðrum verkefnum kjarnasviðs safneignar

Umsókn skulu fylgja greinargóðar upplýsingar um störf umsækjenda og menntun ásamt kynningarbréfi þar sem gerð er fyrir ástæðu umsóknar og rökstuðningur fyrir hæfni í starfið.

Nánari upplýsingar veitir Ágústa Kristófersdóttir framkvæmdastjóri safneignar í s. 620-7744, netfang: [email protected] og
Hildur Halldórsdóttir mannauðsstjóri í síma 5302239, netfang: [email protected].

Laun eru samkvæmt gildandi kjarasamningi sem fjármála- og efnahagsráðherra og Fræðagarður hafa gert. Við ráðningar í störf er tekið mið af jafnréttisáætlun stofnunarinnar.

Öllum umsóknum verður svarað og umsækjendum tilkynnt um ráðstöfun starfsins þegar ákvörðun hefur verið tekin. Umsóknir geta gilt í sex mánuði frá því að umsóknarfrestur rennur út.

Auglýsing birt24. september 2021

Umsóknarfrestur22. október 2021

Tungumálahæfni

Engar sérstakar tungumálakröfur

Staðsetning

Tjarnarvellir 11, 221 Hafnarfjörður

Starfstegund

Starfsgreinar

Starfsmerkingar