Sérfræðingur í markaðsmálum

Aðalskoðun leitar að öflugum sérfræðingi í markaðsmálum

Aðalskoðun er traust og vaxandi fyrirtæki á sviði skoðunarþjónustu. Við leggjum áherslu á fagmennsku, áreiðanleika og framúrskarandi þjónustu. Nú leitum við að metnaðarfullum sérfræðingi í markaðsmálum sem vill taka virkan þátt í að styrkja vörumerki fyrirtækisins og styðja við áframhaldandi vöxt.

Um starfið

Um er að ræða lykilhlutverk í markaðs- og kynningarmálum fyrirtækisins. Viðkomandi mun bera ábyrgð á stefnumótun og framkvæmd markaðsaðgerða með skýra áherslu á árangur, sýnileika og viðskiptavöxt.


Helstu verkefni

- Mótun og framkvæmd markaðsstefnu

- Umsjón með stafrænum markaðsmálum (vefsíða, samfélagsmiðlar, auglýsingaherferðir o.fl.)

- Greining á markhópum og mæling á árangri markaðsaðgerða

- Vörumerkjastjórnun og ímyndaruppbygging

- Skipulagning og framkvæmd herferða og kynningarverkefna

- Samvinna við stjórnendur og starfsfólk um innri og ytri samskipti

Hæfniskröfur

Menntun sem nýtist í starfi (t.d. markaðsfræði, viðskiptafræði eða sambærilegt)

Reynsla af markaðsstarfi með áherslu á stafrænum markaðsmálum

Góð greiningarfærni og skilningur á árangursmælingum

Framúrskarandi samskiptahæfni og sjálfstæð vinnubrögð

Frumkvæði, skipulagshæfni og metnaður til að ná árangri

Reynsla af hönnun auglýsinga er kostur

Við bjóðum

Fjölbreytt starf í traustu fyrirtæki

Tækifæri til að hafa raunveruleg áhrif á þróun og vöxt fyrirtækisins

Góðan starfsanda og faglegt umhverfi

Fjölskylduvænan vinnutíma (08:00–16:00)

Hlutastarf kemur til greina

Hjá Aðalstoðun starfa um 40 manns, þar starfa færir einstaklingar sem njóta góðrar þjálfunar og aðbúnaðar við sín störf. Opnunartími skoðunarstöðva og skrifstofu er frá kl 8:00-16:00 og er því vinnutími starfsfólks mjög fjölskylduvænn.