Laus störf Hæfnileit Vinnustaðir Námskeið

Krónan

Verslanir Krónunnar eru í dag 26 talsins auk Snjallverslun. 19 á höfuðborgarsvæðinu auk verslana á Akureyri, Akranesi, Reyðarfirði, Reykjanesbæ, Selfossi, Hvolsvelli og Vestmannaeyjum. Á hverjum degi – allan ársins hring keppumst við, starfsfólk Krónunnar, við að koma réttu vöruúrvali til þín á eins ódýran hátt og mögulegt er. Þrátt fyrir lágt vöruverð gefum við engan afslátt af ferskleikanum.

Vinnustaðurinn

Sérfræðingur í markaðsmálum

Krónan leitar að jákvæðum og kraftmiklum aðila með brennandi áhuga á markaðsmálum til að stíga inn í öflugt teymi markaðsdeildar. Um er að ræða afar líflegt og skemmtilegt starf sem felur í sér fjölbreytt verkefni.

Við leitum að hugmyndaríkum einstaklingi sem þrífst á því að koma hugmyndum í framkvæmd, vinnur vel í teymi, er sjálfstæður og drífandi og getur hafið störf sem fyrst.

Helstu verkefni og ábyrgð

Hugmyndavinna, efnisgerð og áætlun í samvinnu við forstöðumann
Utanumhald og ábyrgð á birtingaplani
Umsjón, þátttaka og eftirfylgni með markaðsherferðum
Umsjón með markaðsefni fyrir stafræna miðla
Samskipti við viðskiptavini, samstarfsaðila og starfsfólk
Þátttaka í mótun markaðsskilaboða og önnur tilfallandi verkefni í markaðsdeild

Menntunar- og hæfniskröfur

Háskólamenntun sem nýtist í starfi
Reynsla af sambærilegu starfi er skilyrði
Þekking á Meta Business Suite/Manager og Google Ads manager
Hæfni í að greina gögn og miðla þeim áfram til teymis
Reynsla af umsjón samfélagsmiðla og efnisgerð
Brennandi áhugi og þekking á markaðsmálum og skapandi efnisgerð
Framúrskarandi samskiptahæfni
Gott vald á íslensku og hæfni til textasmíða
Frumkvæði, sjálfstæð og skipulögð vinnubrögð

Fríðindi í starfi

Styrkur til heilsueflingar
Aðgangur að Velferðarþjónustu Krónunnar
Afsláttarkjör hjá N1, Krónunni, ELKO og Lyfju

Krónan býður upp á fjölbreyttan og metnaðarfullan vinnustað þar sem hægt er að hafa áhrif og leiða verkefni með sýnilegum árangri. Hjá Krónunni starfa um 1250 manns, við eigum ánægðustu viðskiptavinina átta ár í röð og erum með jafnlaunavottun VR.

Umsóknarfrestur er til og með 15. desember. Umsókn skal fylgja ferilskrá og kynningarbréf. Farið verður með allar fyrirspurnir og umsóknir sem trúnaðarmál og þeim svarað að ráðningu lokinni.

Nánari upplýsingar veita Freyja Leópoldsdóttir, forstöðumaður markaðsmála- og sjálfbærni ([email protected]) og Thelma Kristín Kvaran ([email protected]) í síma 511 1225.

Auglýsing birt28. nóvember 2025

Umsóknarfrestur15. desember 2025

Tungumálahæfni