Sérfræðingur í lögnum og loftræsikerfum

​Vilt þú taka þátt í að bæta innivist og orkunýtingu? Við leitum að öflugum sérfræðingi við hönnun og ráðgjöf vegna lagna- og loftræsikerfa.

Um starfið
Sem sérfræðingur við hönnun lagna- og loftræsikerfa munt þú vinna við:

• Lagna- og loftræsihönnun: Hönnun allra helstu lagna- og loftræsikerfa ásamt almennri ráðgjöf og eftirfylgni á byggingartíma.
• Áætlanagerð: Gerð kostnaðaráætlana, hönnunar- og verkáætlana, orkuútreikninga o.fl. vegna lagna- og loftræsikerfa.
• Faglegt samstarf: Fagleg samskipti og teymisvinna með hönnuðum annarra fagsviða, verkkaupa, verktaka og öðrum hagsmunaaðilum.
• Gerð útboðsgagna: Gerð verklýsinga og annarra gagna fyrir útboð lagna- og loftræsikerfa.
• Önnur skýrslugerð: Ýmsar greiningar og gagnaúrvinnsla á fagsviði lagna- og lofræsikerfa.

Hæfniskröfur
Við leitum að einstaklingi með eftirfarandi eiginleika og færni:

• Menntun: Menntun á sviði verkfræði eða tæknifræði, með áherslu á lagna- og loftræsikerfi.
• Reynsla: A.m.k. 3ja ára reynsla af verkfræðistörfum á fagsviði lagna- og loftræsikerfa.
• Hugbúnaðarþekking: Góð þekking á Autodesk Revit er skilyrði.
• Samskiptahæfni: Hæfni til að vinna sjálfstætt og í teymi, jákvæðni og góð samskiptafærni.
• Tungumálakunnátta: Góð kunnátta í íslensku og ensku, bæði töluðu og rituðu máli. Kunnátta í a.m.k. einu skandinavísku tungumáli er kostur.

Hvað bjóðum við
Við leggjum áherslu á að skapa jákvætt, sveigjanlegt og fjölskylduvænt vinnuumhverfi þar sem starfsfólk hefur tækifæri til persónulegrar og faglegrar þróunar í starfi. Meðal þess sem við bjóðum er:

• Skemmtilegt og hvetjandi starfsumhverfi.
• Tækifæri til að vinna að mikilvægum og áhrifamiklum uppbyggingarverkefnum.
• Sveigjanleiki í vinnu og jafnvægi milli vinnu og einkalífs.
• Líflegt félagsstarf.

Kynntu þér starfið nánar á www.vso.is/starfsumsokn/

Fyrirspurnir og umsóknir sendist á netfangið [email protected], merktar Lagnir.