Hafnarfjarðarbær

Hafnarfjarðarbær er þriðja stærsta sveitarfélag landsins með rúmlega 30 þúsund íbúa og um um 2500 starfsfólk sem sinna fjölbreyttum störfum á um 70 starfsstöðvum um allan bæ. Mannauðurinn er okkur dýrmætur. Lögð er áhersla á að hjá bænum starfi fólk sem getur veitt bestu þjónustu sem völ er á af þekkingu, ábyrgð og metnaði. Við viljum vera áhugaverður og góður vinustaður og árangur okkar er undir reyndu og hæfileikaríku fólki kominn. Við leggjum áherslu á að skapa starfsumhverfi þar sem starfsfólk fær tækifæri til að efla þekkingu sína, hefur tækifæri til þróunar og fái hvatningu til að sýna frumkvæði og njóta sín í starfi sem skilar sér í aukinni starfsánægju og góðri þjónustu við bæjarbúa. Við erum heilsueflandi vinnustaður og viljum að öllum líði vel í vinnunni og bæði stjórnendur og starfsfólk leggja sitt að mörkum við að ýta undir og skapa sem best vinnuumhverfi á öllum okkar starfsstöðvum. Ef þú hefur áhuga á að bætast í hóp starfsmanna hjá Hafnarfjarðarbæ þá hvetjum við þig til að senda inn umsókn.

Vinnustaðurinn

Sérfræðingur í launadeild - Tímabundið starf í 1 ár

Hafnarfjarðarbær leitar að öflugum sérfræðingi til starfa í launadeild Hafnarfjarðarbæjar í tímabundna afleysingu í eitt ár. Launadeild tilheyrir fjármálasviði og er næsti yfirmaður deildarstjóri launadeildar. Í launadeild starfa fimm starfsmenn auk deildarstjóra.

Helstu verkefni og ábyrgð:

Almenn launavinnsla og skráningar í launa- og mannauðskerfi sveitarfélagsins
Rýni og frágangur á gögnum tengdum launavinnslu
Umbótastarf og þróunarvinna í Kjarna og Vinnustund
Leiðbeiningar og ráðgjöf til stjórnenda varðandi launa- og kjaramál
Gerð ráðningarsamninga í samráði við deildarstjóra
Undirbúningur og vinna við launaáætlun sveitarfélagsins
Aðkoma að skýrslugerð fyrir stjórnendur tengt launa- og kjaramálum
Samskipti við stéttarfélög og lífeyrissjóði s.s. varðandi iðgjaldaskil og skilagreinar
Gerð leiðbeininga og fræðsluefnis tengt launamálum
Önnur verkefni samkvæmt stafslýsingu og sem yfirmaður felur starfsmanni

Menntunar- og hæfniskröfur:

Háskólamenntun (B.A/B.S) á sviði viðskiptafræði eða sambærilegu námi sem nýtist í starfi
Reynsla af sambærilegu starfi æskileg s.s. launamálum og launavinnslu
Þekking og reynsla af launakerfum, tímaskráningarkerfum og bakvinnslu
Þekking á launakerfinu Kjarna æskileg
Sjálfstæði og skipulagshæfni
Þjónustulund, góð framkoma og jákvætt viðmót
Góð íslensku- og enskukunnátta
Nákvæmni í vinnubrögðum og töluglögg(ur)
Geta til að vinna undir álagi

Nánari upplýsingar um starfið veitir Hildur Sigþórsdóttir deildarstjóri launadeildar, hildursigthors@hafnarfjordur.is

Laun eru samkvæmt kjarasamningi Sambands íslenskra sveitarfélaga við Visku.

Umsóknarfrestur er til og með 8. desember 2024.

Greinargóð ferilskrá og kynningarbréf fylgi umsókn.

Umsóknir eru gildar í 6 mánuði frá því að umsóknarfrestur rennur út.

Vakin er athygli á stefnu Hafnarfjarðarbæjar að jafna hlutfall kynjanna í störfum hjá bænum og að vinnustaðir bæjarins endurspegli fjölbreytileika samfélagsins.

Auglýsing birt28. nóvember 2024

Umsóknarfrestur8. desember 2024

Tungumálahæfni