Rio Tinto á Íslandi

Rio Tinto á Íslandi – í daglegu tali oft nefnt “ISAL” – hefur framleitt ál í Straumsvík frá árinu 1969 og notar til þess íslenska umhverfisvæna orku. Við framleiðum um 200 þúsund tonn af hágæðaáli á ári og sendum það til fjölmargra viðskiptavina víðsvegar í Evrópu. Þannig öflum við dýrmætra gjaldeyristekna fyrir íslenskt efnahagslíf og samfélag. Ál gerir daglegt líf okkar betra; það er meðal annars notað í bíla, flugvélar, byggingar, raftæki á borð við tölvur og síma, og umbúðir utan um matvæli, drykki og lyf. Mikil meirihluti áls er endurunninn sem þýðir að komandi kynslóðir geta notað það aftur og aftur með lítilli fyrirhöfn. Við erum fjölbreyttur vinnustaður tæplega 400 starfsmanna auk verktaka. Við kappkostum að vera í fararbroddi í öryggis-, heilbrigðis- og umhverfismálum og leggjum einnig mikla áherslu á starfsmenntamál og jafnrétti á vinnustað. Gildi okkar eru: umhyggja - hugrekki - framsækni

Vinnustaðurinn

Sérfræðingur í kerstýringum

Viltu starfa í krefjandi og spennandi iðnaðarumhverfi þar sem nákvæmni, áreiðanleiki og tæknileg þróun eru í fyrirrúmi?

Rio Tinto á Íslandi leitar að sérfræðingi til að aðstoða við rekstur og þróun kerstýringakerfa fyrir kerskála í álverinu í Straumsvík.

Unnið er í nánu samstarfi við erlenda sérfræðinga. Um nýtt starf er að ræða sem hentar vel einstaklingi sem hefur gaman að því að læra, kynna sér legacy kerfi og færa inn í framtíðina.

Ef þú hefur áhuga á að taka þátt í þróun og rekstri hátæknikerfa í framleiðslu hvetjum við þig til að sækja um.

Helstu verkefni og ábyrgð

Rekstur, viðhald og þróun iðnstýringakerfa fyrir kerskála.
Umsjón með forritun og stillingum á stjórnkerfum.
Uppfærsla, fínstilling og bilanagreining á stjórnkerfum fyrir framleiðsluferlið.
Umsjón með öryggi og áreiðanleika kerfisstýringar í takt við rekstrarkröfur.
Samvinna við tækniteymi, viðhaldsaðila og framleiðsludeildir og greiningu og úrbætur.
Þátttaka í þróunarverkefnum með áherslu á sjálfvirknivæðingu og hámörkun rekstrarskilvirkni.
Skráning, skjalfesting og eftirfylgni með breytingum í stjórnkerfum.

Menntunar- og hæfniskröfur

Menntun á sviði rafmagns-, tölvu-, iðnaðarverkfræði, eða sambærileg menntun.
Almenn kunnátta í forritun, til dæmis í C eða C++
Reynsla af iðnstýringum og forritun iðntölva kostur.
Grunnþekking á gagnagrunnskerfum, netkerfum og samskiptareglum iðnstýringakerfa er æskileg.
Hæfni í bilanagreiningu og lausnamiðaðri hugsun í rauntímakerfum.
Góð samskiptafærni og geta til að vinna í teymi.
Þekking á Fortran og VMS-stýrikerfum er mikill kostur.

Fríðindi í starfi

Frítt fæði í mötuneyti.
Heilsustyrkur.
Fæðingarorlofsstyrkur allt að 18 vikur á óskertum launum.
Velferðartorg.
Þátttaka í hlutabréfakaupum.
Öflugt þjálfunar- og fræðslustarf.

Saman sköpum við fjölbreyttan, eftirsóknarverðan og umfram allt skemmtilegan vinnustað með hæft, áhugasamt og jákvætt starfsfólk. Við bjóðum upp á samkeppnishæf laun, fjölskylduvænt starfsumhverfi með áherslu á öryggi, jafnrétti og vellíðan starfsfólks sem er grunnurinn að framúrskarandi árangri.
Forsenda allra ráðninga hjá Rio Tinto er að standast læknisskoðun hjá trúnaðarlækni fyrirtækisins og undirgangast áfengis- og vímuefnaskimun.

Við hvetjum öll áhugasöm til að sækja um störf hjá Rio Tinto.

Umsóknarfrestur er til og með 30. mars nk.

Umsókn skal fylgja ferilskrá og kynningarbréf þar sem gerð er grein fyrir ástæðu umsóknar og rökstuðningur um færni viðkomandi til að gegna starfinu.

Umsjón með starfinu hafa Auður Bjarnadóttir ([email protected]) og Garðar Óli Ágústsson (garð[email protected]) hjá Vinnvinn.