Sérfræðingur í innflutningi

Við hjá Ísfell leitum að öflugum og skipulögðum einstaklingi til að taka að sér mikilvægt hlutverk í stýringu á innflutningi og útflutningi vara. Í starfinu felst einnig eftirlit með birgðum og hreyfingum á lager í nánu samstarfi við lagerstjóra.

Þetta er fjölbreytt og krefjandi starf þar sem tækifæri gefst til að láta að sér kveða í mikilvægum þáttum rekstrarins. Við leitum að einstaklingi sem er lausnamiðaður, vandvirkur og metnaðarfullur um að halda flæðinu gangandi á skilvirkan hátt.

Ef þú hefur reynslu eða áhuga á innflutnings- og útflutningsmálum, góða samskiptafærni og hæfni til að vinna í teymi, hvetjum við þig til að sækja um!