Orkustofnun

Orkustofnun starfar í þágu samfélagsins og í takt við orkustefnu Íslands. Hlutverk hennar er að skapa skýra umgjörð um orkumál, stuðla að nýsköpun og upplýstri umræðu og að veita stjórnvöldum faglega ráðgjöf í þágu almannaheilla. Stefna Orkustofnunar er að byggja upp þekkingu á fagsviðum stofnunarinnar svo sem á sviðum orkuvinnslu, orkunýtingar og loftslagsmála, stunda skilvirka og gagnsæja stjórnsýslu, sem og sjálfstætt vandað eftirlit.

Vinnustaðurinn

Sérfræðingur í greiningu orkumarkaðar

Viltu taka þátt í mótun orkuumhverfis á Íslandi?

Orkustofnun leitar að öflugum greinanda með mikla færni í hagnýtingu gagnasafna ásamt færni til að greina og miðla gögnum á skýran og faglegan hátt. Um er að ræða stöðu sérfræðings í greiningu orkumarkaðar hjá Raforkueftirlitinu og heyrir starfsmaður undir deildarstjóra Raforkueftirlits Orkustofnunar.

Helstu verkefni og ábyrgð

Eftirlit með og greiningar á samkeppnisstarfsemi raforkumarkaðar.
Þróun og innleiðing mælaborðs orkumála, og greiningar því tengdu
Uppbygging, samræming og viðhald gagnagrunna
Söfnun og hagnýting gagna við gerð spár um framtíðarþróun framboðs og eftirspurnar raforku
Gerð greininga fyrir raforkueftirlit og stjórnvöld og miðlun upplýsinga
Þátttaka í verkefnum um gerð orkuspár og rekstrarhermanir raforkukerfisins
Þátttaka í stjórnsýsluákvörðunum Orkustofnunar
Söfnun gagna vegna upplýsingaskyldu til utanaðkomandi aðila

Menntunar- og hæfniskröfur

Háskólamenntun á sviði verkfræði, tæknifræði, hagfræði eða skyldra greina
Færni í greiningu gagna og hagnýtingu gagnasafna
Hæfni til að miðla gögnum á myndrænu formi sem og í rituðu og töluðu máli
Góður skilningur á upplýsingasöfnun og gagnaskilum
Brennandi áhugi á þróun orkumála
Góð innsýn í orkugeirann er kostur
Reynsla af fjármálastarfsemi og nýtingu viðskiptagreindar er kostur
Gott vald á íslensku og ensku jafnt í ræðu og riti er skilyrði, kunnátta í norðurlandamáli er æskileg
Frumkvæði, sköpunargleði, drifkraftur, skilvirkni, jákvæðni og metnaður
Góð samskipta- og samstarfshæfni
Áhugi á að vinna í og taka þátt í að móta lifandi og metnaðarfullt starfsumhverfi

Umsókn skal fylgja ferilskrá og stutt bréf þar sem umsækjandi gerir grein fyrir áhuga og hæfni í starfið út frá hæfnikröfum auglýsingar.

Laun greiðast samkvæmt kjarasamningi fjármálaráðuneytis við viðkomandi stéttarfélag. Um er að ræða 100% starfshlutfall. Starf sérfræðings í greiningu orkumarkaðar er með starfsstöð í Reykjavík, nema um annað sé samið. Æskilegt er að umsækjandi geti hafið störf sem fyrst.

Nánari upplýsingar um störfin veitir Hanna Björg Konráðsdóttir deildarstjóri Raforkueftirlits hbk@os.is og Ingi Jóhannes Erlingsson fjármála- og rekstrarstjóri ingi@os.is

Umsóknafrestur er til og með 25. október 2024

Stefnt er að því að halda jöfnu kynjahlutfalli í starfsliði sínu. Öllum umsóknum verður svarað eftir að ákvörðun um ráðningu liggur fyrir. Umsóknir eru gildar vegna starfa hjá stofnuninni í 6 mánuði frá birtingu þessarar auglýsingar.

Auglýsing birt11. október 2024

Umsóknarfrestur25. október 2024

Tungumálahæfni