Sérfræðingur í gæðamálum og ferlastjórnun

Við leitum að metnaðarfullum, drífandi og umbótasinnuðum einstaklingi með brennandi áhuga á gæðamálum og ferlum til að ganga til liðs við teymi stefnumiðaðrar menningar hjá Orkuveitunni. Viðkomandi mun gegna lykilhlutverki í að tryggja að ferlar okkar séu skilvirkir og snjallir og að unnið sé samkvæmt nýjustu kröfum í gæðastöðlum hjá Orkuveitunni og dótturfyrirtækjum.

Helstu verkefni og ábyrgð

• Umsjón með gæðastjórnun, þar á meðal mótun og viðhaldi á ferlum, verklagsreglum og leiðbeiningum hjá Orkuveitunni og dótturfyrirtækjum.
• Skipulagning, innleiðing og vöktun árangurs stjórnunarþátta samkvæmt vottuðum stjórnunarkerfum.
• Endurbætur á hönnun, þróun og innleiðingu gæðakerfa og ferla sem stuðla að aukinni skilvirkni og gæðum í starfsemi Orkuveitunnar.
• Undirbúningur og skipulagning innri úttekta til að tryggja að staðlar séu uppfylltir.
• Greining gagna og ferla til að bera kennsl á tækifæri til umbóta.
• Þjálfun og fræðsla starfsfólks í tengslum við nýja ferla og gæðakerfi.
• Samstarf við innri og ytri aðila til að tryggja samræmi og árangursríka nýtingu verkferla.
• Þróun og viðhald mælaborða og annarra upplýsingakerfa til að fylgjast með frammistöðu og gæðum.

Menntunar- og hæfniskröfur

• Háskólagráða í verkfræði, viðskiptafræði, upplýsingatækni eða önnur menntun sem nýtist í starfi.
• Reynsla af gæðastjórnun og ferlaumbótum, helst í tengslum við stafrænar lausnir.
• Frumkvæði og hæfni til að vinna sjálfstætt sem og í teymi.
• Framúrskarandi samskiptafærni og hæfni til að miðla flóknum upplýsingum á einfaldan hátt.
• Umbótamiðuð hugsun, framsýni og geta til að hugsa út fyrir boxið.
• Reynsla af Agile aðferðafræði er kostur.