Sérfræðingur í framleiðslu pakkaferða

Icelandair Packages stækkar teymið sitt og óskar eftir að ráða öflugan einstakling sem hefur áhuga á fjölbreyttu og krefjandi starfi við framleiðslu og rekstur pakkaferða.

Icelandair Packages ber ábyrgð á skipulagningu og rekstri pakkaferða Icelandair til og frá Íslandi undir merkjum Icelandair Holidays og Icelandair VITA. Icelandair Packages gerir viðskiptavinum kleift að kaupa flug, hótel, fjölbreytta þjónustu og allan pakkann á einum stað hjá Icelandair. Teymið starfar í nánu samstarfi við sölu- og markaðsdeild.

Sérfræðingur í framleiðslu kemur til með að halda utan um framleiðslu og rekstur sérferða og siglinga fyrir heimamarkað, í nánu samstarfi við aðra sérfræðinga teymisins.

Við leitum eftir metnaðarfullum teymismeðlim sem elskar að veita góða þjónustu, nýtur þess að vinna í teymi, hefur góða skipulagshæfileika og sýnir frumkvæði í starfi.

Ábyrgðarsvið:

• Framleiðsla, skipulagning, rekstur og úrvinnsla pakkaferða.
• Uppsetning í bókunarkerfi og utanumhald.
• Innkaup og samskipti við birgja.

Hæfni og menntun:

• Menntun og/eða reynsla sem nýtist í starfi.
• Góð almenn tölvuþekking er nauðsynleg.
• Yfirgripsmikil þekking á ferðum og siglingum er kostur.
• Mjög góð íslensku- og enskukunnátta.
• Kunnátta á Amadeus og bókunarkerfum er kostur.
• Sjálfstæði í vinnubrögðum og nákvæmni.
• Hugmyndaríki og lausnamiðað hugarfar.

Stefna Icelandair er að stuðla að jafnrétti og fjölbreytileika á meðal starfsfólks og hvetur einstaklinga af öllum kynjum til að sækja um.

Umsóknarfrestur er til og með 19. febrúar 2024. Umsóknum skal fylgja ferilskrá og kynningarbréf.