Umhverfis- og skipulagssvið

Á Umhverfis og skipulagssviði er unnið að fjölbreyttum verkefnum sem eiga að auðga mannlífið í borginni. Nánar má lesa um sviðið hér: https://reykjavik.is/umhverfis-og-skipulagssvid Starfsfólk umhverfis- og skipulagssviðs býr yfir einstakri fagþekkingu í þeim málaflokkum sem sviðið sinnir og gegnir lykilhlutverki í því að gera Reykjavík að enn betri borg. Leiðarljós sviðsins eru aukin lífsgæði í Reykjavík með framúrskarandi þjónustu og metnaði fyrir enn betri borg.

Vinnustaðurinn

Sérfræðingur í deild afnota og eftirlits

Umhverfis- og skipulagssvið óskar eftir að ráða sérfræðing til starfa í deild afnota og eftirlits, en deildin er hluti af skrifstofu stjórnsýslu og gæða.

Skrifstofan fer meðal annars með lögfræðiþjónustu sviðsins, gæðamál, eftirlit með afnotum borgarlands og framkvæmdum auk þjónustu við umhverfis- og skipulagsráð og heilbrigðisnefnd. Skrifstofunni er skipt upp í þrjár deildir: lögfræðideild, deild afnota og eftirlits og gæðadeild.

Deild afnota og eftirlits sinnir eftirliti með byggingarleyfisskyldum framkvæmdum í umboði byggingarfulltrúans í Reykjavík, sinnir eftirliti með framkvæmdaleyfisskyldum framkvæmdum í borgarlandi í umboði skipulagsfulltrúans í Reykjavík, auk þess að annast útgáfu og eftirlit með afnotaleyfum af borgarlandi

Starf sérfræðings á deild afnota og eftirlits er fjölbreytt. Lögð er áhersla á markvissa teymisvinnu, góða þjónustu og virðingu fyrir umhverfinu.

Helstu verkefni og ábyrgð

Móttaka, úrvinnsla og eftirfylgni með ábendingum um óheimilar byggingarleyfisskyldar framkvæmdir, framkvæmdaleyfisskyldar framkvæmdir án framkvæmdaleyfis, sem og afgreiðsla umsókna um afnotaleyfi af borgarlandi
Samskipti við viðskiptavini deildarinnar og aðra hagsmunaðila auk samstarfsaðila innan borgarinnar.
Fræðsla í formi fyrirlestra og kynninga m.a. til starfsmanna umhverfis- og skipulagssviðs.
Ábyrgð á svörun tölvupósta og ábendinga sem berast gegnum ábendingarvef Reykjavíkurborgar.
Frumkvæði varðandi þróun og umbætur í stjórnsýslu deildarinnar.
Önnur verkefni sem sérfræðingi eru falin af yfirmanni hverju sinni.

Menntunar- og hæfniskröfur

Háskólapróf eða önnur menntun sem nýtist í starfi.
Framhaldsmenntun og/eða reynsla sem nýtist í starfi er kostur.
Reynsla af opinberri stjórnsýslu er kostur.
Þekking á málaflokkum umhverfis- og skipulagssviðs er kostur.
Skipulagsfærni og hæfni til að vinna sjálfstætt.
Lipurð í mannlegum samskiptum, lausnamiðuð hugsun og hæfni til að miðla málum
Þekking á helstu tölvukerfum og skjölun opinberra gagna er kostur
Góð íslenskukunnátta, C2 skv. samevrópskum tungumálaramma og enskukunnátta C1.
Þekking á öðrum tungumálum s.s. pólsku er kostur.

Á umhverfis- og skipulagssviði er unnið að fjölbreyttum verkefnum sem auðga mannlífið í borginni. Leiðarljós sviðsins eru aukin lífsgæði í Reykjavík með framúrskarandi þjónustu og metnaði fyrir enn betri borg og þar gegnir starfsfólkið lykilhlutverki með einstakri fagþekkingu í þeim málaflokkum sem sviðið sinnir.

Á skrifstofum sviðsins í Borgartúni er verkefnamiðað vinnuumhverfi með nútímalegri vinnuaðstöðu. Vinnustaðurinn leggur áherslu á gagnkvæman sveigjanleika og að stuðla að jafnvægi milli vinnu og einkalífs.

Um er að ræða 100% starf og æskilegt er að viðkomandi geti hafið störf sem fyrst. Launakjör eru samkvæmt kjarasamningi Reykjavíkurborgar og hlutaðeigandi stéttarfélags.

Umsóknarfrestur er til og með 30. september 2024.

Umsókn þarf að fylgja starfsferilskrá ásamt kynningarbréfi.

Vakin er athygli á stefnu Reykjavíkurborgar um jafnan hlut kynja í störfum og að vinnustaðir borgarinnar endurspegli það margbreytilega samfélag sem borgin er.

Nánari upplýsingar veitir Björgvin Rafn Sigurðarson deildarstjóri afnota og eftirlits í gegnum netfangið Bjorgvin.Rafn.Sigurdarson@reykjavik.is.

Auglýsing birt13. september 2024

Umsóknarfrestur30. september 2024

Tungumálahæfni