Hafrannsóknastofnun

Hafrannsóknastofnun er stærsta rannsóknastofnun landsins á sviði haf- og vatnarannsókna og gegnir auk þess ráðgjafarhlutverki varðandi skynsamlega nýtingu og verndun auðlinda hafs og vatna. Stofnunin heyrir undir matvælaráðuneytið. Stofnunin rekur, auk aðalstöðvar í Hafnarfirði, starfsstöðvar vítt og breitt um landið, tilraunaeldisstöð, tvö rannsóknaskip og hjá stofnuninni starfa að jafnaði um 190 manns í fjölbreyttum störfum.

Vinnustaðurinn

Sérfræðingur í áhrifum súrnunar sjávar á vistkerfi sjávar

Hafrannsóknastofnun leitar að metnaðarfullum einstakling í tímabundna sérfræðistöðu til 2 ára. Starfið felur í sér þátttöku í fjölbreyttum rannsóknum á áhrifum súrnunar sjávar og loftslagsbreytinga á lífríki hafsins og vistkerfi þess. Starfið felur einnig í sér aðkomu að vinnu við ráðgjöf og miðlun vísindalegra upplýsinga á aðgengilegan máta. Síðari hluta árs 2025 verður mótuð stefna í rannsóknum á súrnun sjávar og munu áherslur í starfinu taka mið af þeirri stefnu.

Frekari upplýsingar um starfið má finna í auglýsingu á vefsíðu ResearchGate: EXPERT ON THE EFFECTS OF OCEAN ACIDIFICATION ON MARINE ECOSYSTEMS at Marine and Freshwater Research Institute in Hafnarfjörður, ICELAND

Helstu verkefni og ábyrgð

Leiða og taka þátt í fjölbreyttum rannsóknarverkefnum með það að markmiði að auka þekkingu á áhrifum loftslagsbreytinga og súrnunar sjávar.
Greina göt í þekkingu og þróa ný verkefni.
Skrifa umsóknir til innlendra og alþjóðlegra styrktaraðila.
Þátttaka í alþjóðlegu og innlendu samstarfi.
Leiðbeina og/eða styðja við framhaldsnemendur, nýdoktora og aðra vísindamenn.
Birting vísindalegra niðurstaðna í vísindatímaritum, skýrslum og kynningum.
Þátttaka í vinnu við ráðgjafarskjöl tengd sérsviði umsækjanda, svo sem úttektir og skýrslur um áhrif súrnunar sjávar, loftslagsbreytinga og/eða kolefnisförgunar á lífríki og vistkerfi sjávar.
Fjölbreytt miðlunarverkefni, svo sem opinberar kynningar, ráðgjöf til stjórnvalda og annarra hagsmunaaðila

Menntunar- og hæfniskröfur

Framhaldmenntun í vistfræði, haffræði eða skyldum greinum, doktorspróf kostur
Leiðtogahæfileikar og færni til að starfa í fjölbreyttu teymi sem og sjálfstætt.
Reynsla af rannsóknum á umhverfisáhrifum súrnunar sjávar og almennum áhrifum loftslagsbreytinga.
Reynsla af birtingu greina í ritrýndum vísindatímaritum.
Reynsla af gerð umsókna í samkeppnissjóði.
Framúrskarandi samskiptahæfileikar og geta til að miðla flóknum vísindalegum hugtökum til fjölbreyttra hópa.
Metnaður, frumkvæði og jákvætt viðhorf.
Góð færni til að tjá sig í ræðu og riti á ensku.
Færni til að starfa á íslensku er kostur.

Laun samkvæmt gildandi kjarasamningi sem fjármála- og efnahagsráðherra og Félag íslenskra náttúrufræðinga hafa gert.

Umsókn skal fylgja:

Ítarleg ferilskrá.
Afrit af prófskírteinum.
Kynningarbréf þar sem gerð er grein fyrir ástæðu umsóknar og rökstuðningur fyrir hæfni umsækjanda í starfið.
Tilnefning a.m.k. tveggja meðmælenda.
Sótt er um starfið á Starfatorgi og er öllum umsóknum svarað þegar ákvörðun um ráðningu liggur fyrir.

Ófullnægjandi umsóknir eru ekki teknar til greina. Hafrannsóknarstofnun áskilur sér rétt til að hafna öllum umsóknum. Umsókn getur gilt í sex mánuði eftir að umsóknarfresti lýkur. Gerð er krafa um að umsækjendur hafi hreint sakavottorð.

Við ráðningu í störf hjá Hafrannsóknastofnun er tekið mið af jafnréttisáætlun stofnunarinnar og er fólk af öllum kynjum hvatt til að sækja um.

Um stofnunina

Hafrannsóknastofnun, rannsókna- og ráðgjafarstofnun hafs og vatna, heyrir undir Matvælaráðuneytið og er stærsta rannsóknastofnun landsins á sviði haf- og vatnarannsókna. Stofnunin gegnir ráðgjafahlutverki um sjálfbæra nýtingu og verndun auðlinda hafs og vatna. Höfuðstöðvar stofnunarinnar eru í Hafnarfirði en auk þess eru starfsstöðvar vítt og breitt um landið, tilraunaeldisstöð og tvö rannsóknaskip. Hjá stofnuninni starfa að jafnaði um 190 manns í fjölbreyttum störfum.

Gildi stofnunarinnar eru: Þekking - Samvinna - Þor

Starfshlutfall er 100%

Umsóknarfrestur er til og með 15.09.2025

Nánari upplýsingar veitir

Hrönn Egilsdóttir - [email protected] - 6956705
Kristín Guðrún Lúðvíksdóttir - [email protected]

Auglýsing birt15. ágúst 2025

Umsóknarfrestur15. september 2025

Tungumálahæfni