Landskerfi bókasafna hf.

Sérfræðingur hjá Landskerfi bókasafna

Landskerfi bókasafna leitar að metnaðarfullum og árangursdrifnum einstaklingi til að sinna og þróa áfram sérfræðiþjónustur við bókasöfnin á Íslandi á grunni bókasafnakerfanna Gegnir og Leitir.

Viðkomandi verður hluti af teymi, sem sinnir þjónustu við bókasöfn. Starfið krefst frumkvæðis, grúsks, góðs utanumhalds eigin verkefna og mun að einhverju leyti taka mið af þekkingu, reynslu og áhugasviði þess einstaklings sem verður ráðinn.

Helstu verkefni og ábyrgð

Umsjón sameiginlegra gagna bókasafna byggt á högun helstu kerfa.
Umsýsla bókfræðigagna í bókasafnakerfunum auk sérhæfðra gagnavinnslna.
Þátttaka í verkefnum tengdum rafrænu efni.
Þróun nútímalegra kerfisferla til að auka sjálfvirkni í gæðastýringu og skráningu.
Uppbygging og viðhald sérhæfðra kerfisþjónusta.
Notanda- og kerfisþjónusta við söfn.
Þátttaka í uppbyggingu verkferla og leiðbeininga.
Önnur tilfallandi verkefni.

Menntunar- og hæfniskröfur

Háskólamenntun sem nýtist í starfi, bókasafns- og upplýsingafræði eða sambærilegt.
Þekking á verkferlum bókasafna.
Reynsla af að vinna með gögn og þekking á gagnagrunnum og stöðlum.
Mjög góð tölvufærni.
Hæfni til að takast á flókin úrlausnarefni og leiða þau til lykta.
Frumkvæði og sjálfstæði í starfi og ögun í vinnubrögðum.
Góð samskiptahæfni, þjónustulund og geta til að vinna í teymi.
Gott vald á íslensku og/eða ensku í rituðu og mæltu máli.

Mikill kostur er ef umsækjandi hefur þekkingu eða reynslu af:

Safnastarfi og skráningarmálum bókasafna.
Uppbyggingu lýsigagna bókasafna.
Þekking á Gegni og Leitir.is.
Rafrænum áskriftum og utanumhalds þeirra í háskólaumhverfinu .
Gögnum, gagnasniðum og gagnavísindum.
SQL, Oracle Analytics.
Opnum gögnum.
Vefþjónustum.
Miðlun og kennslu.

Landskerfi bókasafna er hlutafélag í eigu ríkis og sveitarfélaga. Tilgangur þess er að reka upplýsinga- og skráningarkerfi fyrir bókasöfn og eftir atvikum önnur söfn á Íslandi og veita þeim tengda sérfræðiþjónustu.
Landskerfið rekur bókasafnakerfið Gegni, leitargáttina leitir.is og Rafbókasafnið og þjónustar um 300 bókasöfn. Starfsmenn félagsins eru tíu talsins.

Nánari upplýsingar má finna á https://landskerfi.is/

Umsóknarfrestur er til og með 20. janúar nk.

Umsókn skal fylgja ferilskrá og ítarlegt kynningarbréf þar sem gerð er grein fyrir ástæðu umsóknar og rökstuðningur um færni viðkomandi til að gegna starfinu.

Umsjón með starfinu hafa Auður Bjarnadóttir (audur@vinnvinn.is) og Margrét Stefánsdóttir (margret@vinnvinn.is).