Ríkiskaup eru raunverulegt hreyfiafl í samfélaginu sem leiðir verkefni sín áfram með umbætur að leiðarljósi. Stofnunin er í fararbroddi, styður við og leiðir nýsköpunar- og umbótastarf hjá stofnanakerfi ríkisins í heild. Til að ná markmiðum okkar leggjum við áherslu á betri nýtingu gagna til rýni, aðhalds og stefnumótunar hjá stofnunum og eftir atvikum öðrum opinberum aðilum. Með betri gögnum og aukinni innsýn inn í rekstur stofnana, getum við stuðlað að aukinni samhæfingu og samrekstri í kjarnastarfsemi og þar með aukið virði ríkisins. Ríkiskaup eru vinnustaður framtíðar þar sem fólkið okkar finnur hæfileikum sínum farveg, nýtur sveigjanleika og sjálfstæðis í störfum á sama tíma og það býr til aukið virði fyrir samfélagið.