Háskólinn í Reykjavík

Hlutverk Háskólans í Reykjavík er að skapa og miðla þekkingu til að auka samkeppnishæfni og lífsgæði fyrir einstaklinga og samfélag með siðgæði, sjálfbærni og ábyrgð að leiðarljósi. Stefna Háskólans í Reykjavík er að vera öflugur kennslu- og rannsóknaháskóli með áherslu á tækni og samfélag. Kjarnastarfsemi Háskólans í Reykjavík er kennsla og rannsóknir í sterkum tengslum við atvinnulíf og samfélag, þar sem áhersla er lögð á þverfagleika, alþjóðleg viðmið, nýsköpun og faglega þjónustu. Starfsemin mótast af persónulegum tengslum og virðingu fyrir samfélagi og umhverfi.

Vinnustaðurinn

Sérfræðingur á sviði gagnagreininga (BI and Analytics)

Háskólinn í Reykjavík auglýsir eftir sérfræðingi á sviði gagnagreininga (BI and Analytics)  í fullt starf í þróunarhóp á upplýsingatæknisviði háskólans. Hlutverk þróunarhóps er að þróa og innleiða hugbúnaðar- og gagnalausnir sem styðja við ferla skólans, s.s. gagnagreiningar, uppbyggingu vöruhúss gagna, forritun og viðhald ýmissa kerfa s.s. umsóknarkerfi, nemendagátt, útskriftarkerfi og samþættingu við önnur ytri og innri kerfi. Í boði er spennandi starf í metnaðarfullu og lifandi háskólaumhverfi með ýmsum tækifærum til náms og persónulegrar þróunar. Viðkomandi mun vinna að verkefnum á sviði vöruhúss gagna, gagnagreininga (analytics), gagnahögunar og hvers kyns þróun lausna til skýrslugerðar og upplýsingagjafar. Ekki er verra ef viðkomandi hefur einnig reynslu af uppbyggingu á samþættingu á milli kerfa með þjónustumiðaðri högun (SOA). Viðkomandi mun taka virkan þátt í að leysa verkefni á sem skilvirkastan hátt með þeim lausnum sem henta best hverju sinni.

STARFSSVIÐ:

Greining á þörfum, tæknilegum kröfum og hönnun á gagnadrifnum lausnum sem styðja við vinnuferla háskólans
Útfærsla á lausnum til gagnagreininga, afhendingar gagna og stjórnendaupplýsinga til viðeigandi aðila í formi skýrslna eða mælaborða
Uppbygging og viðhald á vöruhúsi gagna. Þátttaka í rekstri á gagnagrunnum og gagnaferlum vöruhússins
Virk þátttaka í þróun upplýsingatækni innan HR

MENNTUNAR- OG HÆFNISKRÖFUR:

Háskólapróf í tölvunarfræði eða öðru sambærilegu sem nýtist í starfi
Þekking og/eða reynsla af eftirfarandi: Þróun og rekstur vöruhúss gagna, multidimensional modeling, MS SQL Server, SSIS eða sambærilegt, MS Fabric, Power BI
Þekking og reynsla af uppbyggingu á samþættingarumhverfum æskileg
Færni í þarfagreiningu og reynsla af Scrum/Kanban
Skipulagshæfni og sjálfstæð vinnubrögð
Frumkvæði, metnaður og sveigjanleiki
Góð íslensku- og enskukunnátta

Umsóknarfrestur er til og með 25. mars 2025.

Með umsókn skal fylgja ferilskrá og kynningarbréf. Háskólinn í Reykjavík hvetur öll kyn til að sækja um. Einungis er tekið við umsóknum í gegnum umsóknarkerfið. Nánari upplýsingar veita Kristján H Hákonarson forstöðumaður upplýsingatækni, [email protected] og mannauðsdeild, [email protected]. Farið er með allar fyrirspurnir og umsóknir sem trúnaðarmál.

Háskólinn í Reykjavík hefur haslað sér völl sem öflugur rannsóknaháskóli á alþjóðavísu. Háskólinn stenst samanburð við erlenda háskóla í fremstu röð og fræðafólk skólans hefur náð framúrskarandi árangri. Kennsla og rannsóknir við Háskólann í Reykjavík mótast af sterkum tengslum við atvinnulíf og samfélag. Lögð er áhersla á þverfaglegt samstarf, alþjóðlegt umhverfi, nýsköpun og góða þjónustu.

HR er eftirsóknarverður vinnustaður og þar er lögð áhersla á fyrsta flokks aðstöðu í nærandi umhverfi, persónuleg samskipti, framsæknar kennsluaðferðir og nútímalega starfshætti. HR fagnar fjölbreytileika og mikið er lagt upp úr jafnrétti og virðingu fyrir einstaklingum og störfum þeirra. Nemendur Háskólans í Reykjavík eru um 4.300 í sjö deildum og starfsfólk er um 300 talsins, auk 350 stundakennara.

Auglýsing birt14. mars 2025

Umsóknarfrestur25. mars 2025

Tungumálahæfni