Útlendingastofnun

Útlendingastofnun er ein af undirstofnunum dómsmálaráðuneytisins og starfar samkvæmt lögum um útlendinga nr. 80/2016, lögum um íslenskan ríkisborgararétt, reglugerð um útlendinga nr. 540/2017 og reglugerð um vegabréfsáritanir nr. 1160/2010. Útlendingalöggjöfin gildir um heimild útlendinga til að koma til landsins og dvelja hér á landi en útlendingur telst hver sá sem ekki er íslenskur ríkisborgari samkvæmt lögum um íslenskan ríkisborgararétt. Umfangsmesti þátturinn í starfsemi Útlendingastofnunar er útgáfa dvalarleyfa. Útlendingastofnun afgreiðir allar umsóknir um dvalarleyfi, hvort sem um er að ræða dvalarleyfi á grundvelli atvinnuþátttöku eða t.d. fjölskyldusameiningar, námsvistar eða vistráðningar, umsóknir um alþjóðlega vernd og umsóknir um íslenskan ríkisborgararétt og umsóknir um vegabréfsáritanir.

Vinnustaðurinn

Sérfræðingur

Útlendingastofnun leitar að kraftmiklum sérfræðing til starfa hjá stofnuninni. Verksvið sérfræðings er fjölbreytt, t.a.m. viðtöl við umsækjendur, afgreiðsla umsókna, samskipti við innlend og erlend stjórnvöld og önnur tilfallandi verkefni. Sérfræðingur heyrir undir teymisstjóra.

Útlendingastofnun er spennandi vinnustaður á fleygiferð í stafrænni vegferð. Hjá stofnuninni starfar um 110 manna samhentur hópur á fjórum sviðum. Umfangsmesti þátturinn í starfsemi stofnunarinnar er útgáfa dvalarleyfa. Útlendingastofnun afgreiðir umsóknir um dvalarleyfi, hvort sem um er að ræða dvalarleyfi á grundvelli atvinnuþátttöku, fjölskyldusameiningar, námsvistar eða vistráðningar. Þá afgreiðir stofnunin einnig vegabréfsáritanir, umsóknir um ríkisborgararétt og umsóknir um alþjóðlega vernd. Lögð er rík áhersla á að vinnustaðurinn sé fjölskylduvænn og að starfsandi sé til fyrirmyndar. Boðið er upp á góða vinnuaðstöðu, sveigjanlegan vinnutíma og kost á fjarvinnu. Stofnunin hefur undanfarin ár tekið þátt í verkefninu um styttingu vinnuvikunnar og er miðað við 36 stunda vinnuviku hjá öllu starfsfólki.

Helstu verkefni og ábyrgð

Viðtöl við umsækjendur

Úrvinnsla umsókna

Samskipti við innlend og erlend stjórnvöld

Þátttaka í gerð og þróun verkferla

Starfa í samræmi við stefnur og markmið stofnunarinnar

Ráðgjöf til þjónustuþega Útlendingastofnunar

Þátttaka í teymisvinnu

Menntunar- og hæfniskröfur

BA gráða sem nýtist í starfi (t.a.m. félagsfræði, sálfræði, mannfræði, félagsráðgjöf, stjórnmálafræði)

Meistaragráða sem nýtist í starfi er mikill kostur

Reynsla og þekking á opinberri stjórnsýslu er kostur

Mjög góð færni í mannlegum samskiptum og þjónustulund

Mjög góð almenn tölvukunnátta

Mjög góð kunnátta í íslensku og ensku í ræðu og riti

Kunnátta í spænsku, úkraínsku, rússnesku eða arabísku er kostur

Áhugi á stafrænum lausnum og þróun verkferla

Sjálfstæði í vinnubrögðum

Frumkvæði og metnaður til að ná árangri

Laun samkvæmt gildandi kjarasamningi sem fjármála- og efnahagsráðherra og viðkomandi stéttarfélag hafa gert.

Umsókn skal fylgja ferilskrá að hámarki 2 bls. ásamt mynd og kynningarbréfi sem er að hámarki 1 bls. á íslensku. Umsóknir á erlendum tungumálum, án kynningarbréfa eða án ferilskráa verða ekki teknar til greina. Einnig skal fylgja umsókn staðfesting á prófgráðum. Við ákvörðun um boðun í starfsviðtal verður sérstaklega horft til gæða umsóknargagna.

Við ákvörðun um ráðningu verður, auk framangreindra hæfnisviðmiða, tekið mið af frammistöðu í starfsviðtali og umsagna sem aflað verður. Í einstaka tilfellum leggur stofnunin einnig verkefni fyrir umsækjendur í ráðningarferlinu.

Vakin er athygli á því að umsækjendur þurfa að vera reiðubúnir til að framvísa sakavottorði.

Eingöngu er tekið við umsóknum rafrænt í gegnum vefgátt Starfatorgs.

Áhugasamir eru hvattir til að sækja um starfið, óháð kyni. Umsóknir gilda í sex mánuði frá því að umsóknarfresti lýkur. Öllum umsóknum verður svarað eftir að ákvörðun um ráðningu hefur verið tekin.

Um er að ræða tímabundna ráðningu til eins árs með sex mánaða reynslutíma. Æskilegt er að umsækjendur geti hafið störf eigi síðar en 1. nóvember nk. eða samkvæmt nánara samkomulagi.

Starfshlutfall er 100%

Umsóknarfrestur er til og með 25.09.2023

Nánari upplýsingar veitir:

Birkir Hauksson, Mannauðsstjóri - birkir@utl.is

Auglýsing stofnuð15. september 2023

Umsóknarfrestur25. september 2023

Starfstegund

Staðsetning

Dalvegur 18, 201 Kópavogur

Bæjarhraun 18, 220 Hafnarfjörður

Hæfni