Sérfræðingar í gögnum og sjálfvirknivæðingu

Arion banki leitar að einstaklingum til að taka þátt í að auka enn frekar á hagnýtingu gagna innan bankans. Við erum á spennandi vegferð og leitum bæði að sérfræðingum í gagnagreiningu (data analyst) og gagnavísindum (data scientist) til að slást í hóp öflugra sérfræðinga sem vinna að verkefnum sem snerta m.a.:

• Hönnun og uppbyggingu gagnalags sem getur þjónað mismunandi notendum innan bankans
• Framsetningu og vinnslu gagna í gegnum skýrslur og mælaborð ásamt öðrum verkefnum á sviði viðskiptagreindar
• Hönnun og smíði vélnámslíkana í samstarfi við ytri og innri aðila

Um er að ræða deild inni á sviðinu Upplifun viðskiptavina en unnið er þétt með öðrum sviðum bankans og eftir atvikum, ytri aðilum. Kröfur eru aðeins mismunandi á milli hlutverka en við erum að leita að aðilum með:

• Háskólamenntun á sviði verkfræði, tölvunarfræði eða aðra menntun sem nýtist í starfi
• Reynslu af gagnavinnslu, líkanasmíð, greiningu og framsetningu gagna með t.d. SQL og Power Bi
• Getu og skilning til að vinna með og greina upplýsingar úr stórum gagnasettum
• Reynslu af hagnýtingu gagna við sjálfvirknivæðingu ferla
• Góða samskiptahæfni, skipulag og frumkvæði