Slökkvilið höfuðborgarsvæðisins

Starfsemi okkar er fjölbreytt og er markmið okkar að sinna forvörnum og útkallsþjónustu á þjónustusvæði okkar sem nær yfir öll sveitarfélögin á höfuðborgarsvæðinu. Við sinnum slökkvistarfi skv. lögum um brunavarnir, sjúkraflutningum á svæðinu, almannavörnum, björgun úr sjó, vötnum og utan alfaraleiða ásamt öflugu eldvarnaeftirliti. Starfsfólk okkar er tæplega 200 staðsett á fjórum slökkvistöðum, en á starfssvæði okkar býr 63% allra landsmanna.

Vinnustaðurinn

Sérfræðingar á skrifstofu slökkviliðs höfuðborgarsvæðisins

Slökkvilið höfuðborgarsvæðisins leitar að þjónustulunduðum, jákvæðum og áhugasömum einstaklingum til að sinna fjölbreyttum verkefnum á skrifstofu slökkviliðsins.

Helstu verkefni og ábyrgð

Um er að ræða fjölbreytt stoðþjónustustörf sem annarsvegar snúa að gæðamálum og skjalamálum og hins vegar að umsjón forvarnaverkefna slökkviliðs höfuðborgarsvæðisins, auk ýmissa tilfallandi verkefna.

Menntunar- og hæfniskröfur

- Nám á háskólastigi sem nýtist í starfi

- Menntun eða reynsla á sviði opinberrar stjórnsýslu eða af verkefnastjórnun er kostur

- Mjög gott vald á íslensku, bæði rituðu og töluðu máli

- Haldbær kunnátta í ensku

- Skipulagsfærni

- Frumkvæði og framtakssemi

- Góð samskipta- og samvinnuhæfni

- Sjálfstæð vinnubrögð

Umsókn skal fylgja ferilskrá og ítarlegt kynningarbréf þar sem gerð er grein fyrir ástæðu umsóknar og færni til að gegna starfinu. Laun eru samkvæmt kjarasamningi sambands íslenskra sveitarfélaga við viðkomandi stéttarfélag. Vinnuvikan er 36 stundir.

Við hvetjum öll óháð kyni og uppruna að sækja um.

Nánari upplýsingar veitir Guðný E. Ingadóttir, mannauðsstjóri slökkviliðs höfuðborgarsvæðisins, gudnye@shs.is eða í síma 528 3000.

Auglýsing stofnuð14. nóvember 2023

Umsóknarfrestur3. desember 2023

Starfstegund

Staðsetning

Skógarhlíð 14, 105 Reykjavík

Vinnuumhverfi

Starfsgreinar

Starfsmerkingar

Sambærileg störf (12)