Laus störf Hæfnileit Vinnustaðir Námskeið

Landspítali

Landspítali er lifandi og fjölbreyttur vinnustaður þar sem yfir 7000 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að veitt sé framúrskarandi heilbrigðisþjónusta byggð á vísindum, fagmennsku og umhyggju, öflugu fagfólki og studd með umgjörð og aðbúnaði sem sómi er að.

Vinnustaðurinn

Sérfræðilæknir í ristil- og endaþarmsskurðlækningum

Laust er til umsóknar starf sérfræðilæknis í kviðarholsskurðlækningum með sérhæfingu eða mikla reynslu í ristil- og endaþarmsskurðlækningum. Starfshlutfall er 100% og veitist starfið frá 1. júní 2026. Leitað er eftir metnaðarfullum sérfræðilækni í kviðarholsskurðlækningum til að annast sérhæfða meðferð og eftirfylgd sjúklinga sérgreinarinnar.

Við kviðarholsskurðlækningar starfa 10 sérfræðilæknar í öflugum þverfaglegum teymum og í nánu samstarfi við aðrar fagstéttir spítalans. Sérgreinin býður upp á líflegt og krefjandi starfsumhverfi og mikil tækifæri til starfsþróunar. Áhersla er lögð á góða þjónustu, virka teymisvinnu og stöðugar umbætur í þágu sjúklinga. Við tökum vel á móti nýju starfsfólki og veitum góða aðlögun.

Menntunar- og hæfniskröfur

Íslenskt sérfræðileyfi í almennum skurðlækningum

Víðtæk reynsla af kviðsjáraðgerðum og opnum aðgerðum

Reynsla af þjarkaaðgerðum á neðri hluta meltingavegar æskileg en ekki skilyrði

Reynsla í kennslu og vísindavinnu æskileg

Hæfni og geta til að vinna í teymi

Hæfni til að vinna sjálfstætt og sýna frumkvæði

Jákvæðni, sveigjanleiki og lipurð í samskiptum

Helstu verkefni og ábyrgð

Almenn sérfræðistörf í samráði við yfirlækni sérgreinarinnar, s.s. greining, meðferð og eftirfylgd sjúklinga með vandamál er tengjast sérgreininni, m.a. þátttaka í göngudeildarþjónustu og samráðskvaðningum

Kviðsjáraðgerðir og opnar aðgerðir á neðri hluta meltingavegar

Þátttaka í teymisvinnu

Þátttaka í bakvöktum sérgreinarinnar

Þátttaka í kennslu sérnámslækna og læknanema

Þátttaka í vísindastarfi kviðarholsskurðlækninga í samstarfi við yfirmann

Starfshlutfall: -100%

Laun samkvæmt gildandi kjarasamningi sem fjármála- og efnahagsráðherra og Læknafélag Íslands hafa gert.

Fullt starf er bundið við sjúkrahúsið eingöngu sbr. grein 3.3 í gildandi kjarasamningi lækna og ríkisins.

Í umsóknarformið skal skrá inn upplýsingar um:

Fyrri störf, menntun og hæfni
Félagsstörf og umsagnaraðila

Nauðsynleg fylgiskjöl:

Vottað afrit af prófskírteinum og starfsleyfum.
Ferilskrá þar sem tilgreind er reynsla af kennslu, vísindavinnu og stjórnunarstörfum.
Yfirlit yfir birtar ritrýndar vísindagreinar sem umsækjandi er höfundur að. Umsækjandi skal annaðhvort setja upp Google Scholar aðgang og senda vefslóð að síðunni eða senda staðfestingu á birtum greinum á PubMed.
Kynningarbréf með rökstuðningi fyrir hæfni og sýn á starfið.

Fylgiskjöl skulu vera á pdf formi.

Viðtöl verða tekin við umsækjendur og byggist ákvörðun um ráðningu í starfið á þeim og innsendum gögnum. Tekið er mið af jafnréttisstefnu Landspítala við ráðningar á spítalanum. Öllum umsóknum verður svarað.

Landspítali er lifandi og fjölbreyttur vinnustaður þar sem um 7000 einstaklingar starfa í þverfaglegum teymum og samstarfi ólíkra fagstétta. Framtíðarsýn Landspítala er að þar sé veitt framúrskarandi heilbrigðisþjónusta byggð á vísindum, fagmennsku og umhyggju, öflugu fagfólki og studd með umgjörð og aðbúnaði sem sómi er að.

Landspítali hefur hlotið jafnlaunavottun samkvæmt jafnlaunastaðlinum ÍST85:2012, úttekt framkvæmd af Versa vottun ehf.

Umsóknir geta gilt í 6 mánuði frá birtingu auglýsingar, sbr. 3. tl. 2. mgr. 2. gr. reglna nr. 1000/2019 um auglýsingar lausra starfa með síðari breytingum

Starfsmerkingar: Heilbrigðisþjónusta, læknir, sérfræðilæknir

Tungumálahæfni: enska 4/5

Staðsetning: Hringbraut, 101 Reykjavík

Nánari upplýsingar

Páll Helgi Möller

Tölvupóstur: [email protected]

Sími: 543-1000

Jórunn Atladóttir

Tölvupóstur: [email protected]

Sími: 543-1000

Auglýsing birt12. janúar 2026

Umsóknarfrestur2. febrúar 2026