Laus störf Hæfnileit Vinnustaðir Námskeið

Landspítali

Landspítali er lifandi og fjölbreyttur vinnustaður þar sem yfir 7000 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að veitt sé framúrskarandi heilbrigðisþjónusta byggð á vísindum, fagmennsku og umhyggju, öflugu fagfólki og studd með umgjörð og aðbúnaði sem sómi er að.

Vinnustaðurinn

Sérfræðilæknir í myndgreiningu, brjóstamyndgreiningardeild

Spennandi tækifæri á Brjóstamiðstöð Landspítala!

Við leitum að metnaðarfullum sérfræðingi í brjóstamyndgreiningu sem hefur áhuga á að taka þátt í þróun sérgreinar og uppbyggingu þverfaglegs teymis Brjóstamiðstöðvar. Deildin er sú eina sinnar tegundar á landinu og er því leiðandi fyrir þjónustuna á landsvísu.

Fjölskylduvænt starf þar sem vinnufyrirkomulag er dagvinna.

Starfshlutfall er 100% og veitist starfið frá 1. janúar 2026 eða eftir nánara samkomulagi. Næsti yfirmaður er yfirlæknir brjóstamyndgreiningar.

Brjóstamiðstöð er miðpunktur í þjónustu við einstaklinga með sjúkdóma og einkenni frá brjóstum ásamt því að hafa umsjón með framkvæmd brjóstaskimunar á Íslandi. Mikil áhersla er lögð á þverfaglegt samstarf og þjónustumiðaða nálgun þar sem starfsemin er í stöðugri þróun. Deildin veitir fjölþætta þjónustu og er í fararbroddi fyrir brjóstamyndgreiningu á landsvísu. Starfsaðstaða er góð og deildin er mjög vel tækjum búin.

Menntunar- og hæfniskröfur

Íslenskt sérfæðileyfi í myndgreiningu

Jákvætt viðmót og hæfni í mannlegum samskiptum

Ef íslenska er ekki móðurmál þá er gerð krafa um góða færni og þekkingu í ensku

A.m.k. 3 ára reynsla af brjóstamyndgreiningu með áherslu á klínískar rannsóknir og úrlestur skimunarrannsókna.

Kostur er reynsla af úrlestri segulómrannsókna á brjóstum, en ekki nauðsynleg

Reynsla af kennslu og vísindastörfum

Helstu verkefni og ábyrgð

Almenn sérfræðilæknisstörf á brjóstamyndgreiningardeild Landspítala

Sérfræðiráðgjöf á Landspítala og til annarra stofnana og fagaðila

Kennsla og leiðsögn fyrir heilbrigðisstarfsmenn

Vísindarannsóknir tengdar sérgreininni

Þátttaka í gæða- og umbótastarfi

Starfshlutfall: 100%

Laun samkvæmt gildandi kjarasamningi sem fjármála- og efnahagsráðherra og Læknafélag Íslands hafa gert.

Fullt starf er bundið við sjúkrahúsið eingöngu sbr. grein 3.3 í gildandi kjarasamningi lækna og ríkisins.

Í umsóknarformið skal skrá inn upplýsingar um:

Nauðsynleg fylgiskjöl:

Fylgiskjöl skulu vera á pdf formi.

Viðtöl verða höfð við umsækjendur og byggist ákvörðun um ráðningu í starfið á þeim og innsendum gögnum. Tekið er mið af jafnréttisstefnu Landspítala við ráðningar á spítalanum. Öllum umsóknum verður svarað.

Landspítali er lifandi og fjölbreyttur vinnustaður þar sem um 7000 einstaklingar starfa í þverfaglegum teymum og samstarfi ólíkra fagstétta. Framtíðarsýn Landspítala er að þar sé veitt framúrskarandi heilbrigðisþjónusta byggð á vísindum, fagmennsku og umhyggju, öflugu fagfólki og studd með umgjörð og aðbúnaði sem sómi er að.

Umsóknir geta gilt í 6 mánuði frá birtingu auglýsingar, sbr. 3. tl. 2. mgr. 2. gr. reglna nr. 1000/2019 um auglýsingar lausra starfa með síðari breytingum.

Starfsmerkingar: Heilbrigðisþjónusta: Sérfræðilæknir, læknir

Tungumálahæfni: íslenska 4/5

Staðsetning: Eiríksgata 5, 101 Reykjavík

Nánari upplýsingar

Ester Kristínardóttir

yfirlæknir

Tölvupóstur: [email protected]

Auglýsing birt20. nóvember 2025

Umsóknarfrestur8. desember 2025

Tungumálahæfni

Íslenska

Nauðsyn

Mjög góð

Staðsetning

Skaftahlíð 24, 105 Reykjavík

Starfstegund

Starfsgreinar

Starfsmerkingar

Fleiri störf (50)

Gæðastjóri á bráða-, lyflækninga- og endurhæfingarþjónustu