Heilsugæsla Höfuðborgarsvæðisins

Við rekum fimmtán heilsugæslustöðvar í Reykjavík, Seltjarnarnesi, Mosfellsumdæmi, Kópavogi, Garðabæ og Hafnarfirði, þar sem við veitum samræmda þjónustu. Einnig sjáum við um sérþjónustustöðvarnar: Heimahjúkrun í Hafnarfirði, Garðabæ, Kópavogi og Mosfellsumdæmi, Geðheilsumiðstöð barna, Göngudeild sóttvarna, Geðheilsuteymi HH austur, Geðheilsuteymi HH vestur, Geðheilsuteymi HH suður, Geðheilsuteymi Taugaþroskaraskanna, Geðheilsuteymi fangelsa, Geðheilsuteymi ADHD fullorðinna, Samhæfingastöð krabbameinsskimanna, Upplýsingamiðstöð, Þróunarmiðstöð íslenskrar heilsugæslu auk stoðþjónustu á skrifstofu. Heilsuvera er samstarfsverkefni okkar og Embættis landlæknis. Þar er hægt að hafa samskipti við starfsfólk heilsugæslustöðvanna og fræðast um heilsu og áhrifaþætti hennar. Heilsugæsla höfuðborgarsvæðisins hefur á að skipa sérhæfðu og metnaðarfullu starfsfólki sem vinnur í hvetjandi og áhugaverðu starfsumhverfi þar sem frumkvæði og sjálfstæði þeirra fær að njóta sín. Starfsfólk heilsugæslunnar vinnur að því að veita íbúum höfuðborgarsvæðisins aðgengilega, samfellda og alhliða heilsugæsluþjónustu. Þjónustan byggir á sérþekkingu og víðtæku þverfaglegu samstarfi.

Vinnustaðurinn

Sálfræðingur - Geðheilsuteymi taugaþroskaraskana

Geðheilsuteymi taugaþroskaraskana auglýsir eftir sálfræðingi fullorðinna í 80-100% ótímabundið starf. Æskilegt er að viðkomandi geti hafið störf 15. júní nk. eða eftir nánara samkomulagi.

Við leitum að öflugum sálfræðingi sem er tilbúinn að takast á við krefjandi og spennandi verkefni þar sem þverfagleg nálgun og sérhæfð þjónusta er veit.. Markmið Geðheilsuteymi Taugaþroskaraskana er að stuðla að og viðhalda bata og auka færni skjólstæðings þar sem hans óskir, þarfir og gildi eru í fyrirúmi. Teymið leggur jafnframt mikla áherslu á góða þverfaglegri samvinnu þar sem sálfræðingur mun vinna með öðrum fagaðilum innan teymisins og utan.

Við Geðheilsuteymi taugaþroskaraskana starfa reynslumiklir einstaklingar þar sem lögð er áhersla á að þjálfa upp starfsmenn, veita persónubundinn stuðning og handleiðslu. Góður starfsandi er í teyminu og gott vinnuumhverfi.

Helstu verkefni og ábyrgð

Sálfræðiþjónusta fyrir einstaklinga 18 ára og eldri

Greining, mat og meðferð á geðrænum vanda, gagnreynd sálfræðimeðferð og ráðgjöf

Einstaklings- og hópmeðferð

Námskeiðahald, ráðgjöf og fræðsla

Handleiðsla og þjálfun nema í klínískri sálfræði

Önnur tilfallandi verkefni

Viðkomandi mun starfa í þverfaglegum teymum í náinni samvinnu við starsfólk heilsugæslustöðva, félagsþjónustu, geðsviðs LSH, annarra stofnana og samtaka

Menntunar- og hæfniskröfur

Leyfi frá landlækni til að starfa sem sálfræðingur er skilyrði

5 ára starfsreynsla af klínísku starfi

Reynsla af greiningu og meðferð fullorðinna með geðrænan vanda

Þekking og reynsla af gagnreyndum aðferðum, s.s. hugrænni atferlismeðferð, DAM og áfallameðferð

Faglegur metnaður og áhugi á uppbyggingu sálfræðiþjónustu

Sjálfstæði, frumkvæði og lausnamiðuð nálgun í starfi

Reynsla og áhugi á þverfaglegri teymisvinnu

Góð samskiptahæfni, lipurð og sveigjanleiki í samskiptum

Góð íslenskukunnátta skilyrði

Góð almenn tölvukunnátta

Laun samkvæmt gildandi kjarasamningi sem fjármála- og efnahagsráðherra og Sálfræðingafélag Íslands hafa gert.