Heilsugæsla Höfuðborgarsvæðisins

Við rekum fimmtán heilsugæslustöðvar í Reykjavík, Seltjarnarnesi, Mosfellsumdæmi, Kópavogi, Garðabæ og Hafnarfirði, þar sem við veitum samræmda þjónustu. Einnig sjáum við um sérþjónustustöðvarnar: Heimahjúkrun í Hafnarfirði, Garðabæ, Kópavogi og Mosfellsumdæmi, Geðheilsumiðstöð barna, Göngudeild sóttvarna, Geðheilsuteymi HH austur, Geðheilsuteymi HH vestur, Geðheilsuteymi HH suður, Geðheilsuteymi Taugaþroskaraskanna, Geðheilsuteymi fangelsa, Geðheilsuteymi ADHD fullorðinna, Samhæfingastöð krabbameinsskimanna, Upplýsingamiðstöð, Þróunarmiðstöð íslenskrar heilsugæslu auk stoðþjónustu á skrifstofu. Heilsuvera er samstarfsverkefni okkar og Embættis landlæknis. Þar er hægt að hafa samskipti við starfsfólk heilsugæslustöðvanna og fræðast um heilsu og áhrifaþætti hennar. Heilsugæsla höfuðborgarsvæðisins hefur á að skipa sérhæfðu og metnaðarfullu starfsfólki sem vinnur í hvetjandi og áhugaverðu starfsumhverfi þar sem frumkvæði og sjálfstæði þeirra fær að njóta sín. Starfsfólk heilsugæslunnar vinnur að því að veita íbúum höfuðborgarsvæðisins aðgengilega, samfellda og alhliða heilsugæsluþjónustu. Þjónustan byggir á sérþekkingu og víðtæku þverfaglegu samstarfi.

Vinnustaðurinn

Sálfræðingur - Geðheilsuteymi austur

Vilt þú ferða hluti af frábærum vinnustað?

Heilsugæsla höfuðborgarsvæðisins auglýsir eftir sálfræðingi í Geðheilsuteymi austur. Um er að ræða 60% ótímabundið starf með möguleika á hærra starfshlutfalli. Viðkomandi þarf að geta hafið störf 1. ágúst n.k. eða eftir nánara samkomulagi.

Geðheilsuteymi austur samanstendur af reynslumiklum einstaklingum þar sem áhersla er lögð á fagmennsku í þverfaglegri teymisvinnu. Fagaðilar starfa eftir batahugmyndafræði þar sem einstaklingsmiðuð þjónusta ýtir undir styrkleika og bjargráð notanda. Góður starfsandi er í teyminu og vinnuumhverfi gott þar sem persónubundinn stuðningur og handleiðsla er til staðar. Næsti yfirmaður er svæðisstjóri geðheilsuteymisins.

Geðheilsuteymi austur er þverfaglegt meðferðarteymi sem er staðsett á Stórhöfða 23. Við teymið starfa hjúkrunarfræðingar, geðsjúkraliði, geðlæknar, þroskaþjálfi, sálfræðingar, fjölskyldufræðingur, félagsráðgjafar, iðjuþjálfi, íþróttafræðingur, notendafulltrúar ásamt skrifstofustjóra. Rík áhersla er lögð á þverfaglega samvinnu, innan teymis sem utan ásamt nýsköpun sem veitir tækifæri til þróunar í faglegu starfi.

Helstu verkefni og ábyrgð

Viðtöl á starfsstöð

Greining og meðferð einstaklinga með geðrænan vanda

Beiting gagnreyndra meðferða og ráðgjöf

Notkun sálfræðilegra prófa

Skipuleggja og veita þjónustu sem þörf er á hverju sinni

Vinna í þverfaglegu teymi

Námskeiðshald og fræðsla til notanda og aðstandenda

Handleiðsla sálfræðinema og annars fagfólks

Þátttaka í þróunarstarfi

Samstarf við aðrar stofnanir, úrræði og samtök

Menntunar- og hæfniskröfur