RÚV

RÚV starfar í almannaþágu og hefur það hlutverk að vekja, virkja og efla. Öflugt og samhent starfsfólk skoðar samfélagið með gagnrýnum hætti, segir mikilvægar sögur og þróar nýjar leiðir til miðlunar.

Vinnustaðurinn

Ritstjóri Kveiks

Fréttastofa RÚV leitar að ritstjóra fréttaskýringaþáttarins Kveiks. Í starfinu felst að stýra efnisöflun, framleiðslu og framsetningu efnis Kveiks í öllum miðlum. Um krefjandi og fjölbreytt starf er að ræða.

Við leitum að einstaklingi með sterkt fréttanef, haldbæra reynslu og faglega sýn sem getur leiðbeint öðrum og tekið frumkvæði í krefjandi umfjöllunum.

Kveikur er margverðlaunaður fréttaskýringaþáttur með áherslu á rannsóknarblaðamennsku. Í ritstjórn er öflugt blaða- og dagskrárgerðarfólk með langa reynslu og mikla þekkingu. Starf ritstjóra Kveiks heyrir undir ritstjóra fréttatengdrar dagskrár.

Helstu verkefni og ábyrgð

Ritstjórn efnis sem unnið er fyrir Kveik í öllum miðlum.
Skipuleggja vinnslu þáttarins og tryggja vandaða framsetningu efnis.
Stýra efnisöflun og samræma vinnu blaðamanna.
Veita faglega rýni, leiðsögn og stuðning í ritstjórnarvinnu.
Móta þróun þáttarins og veita ráðgjöf varðandi miðlun efnis.
Viðhalda góðum samskiptum og samstarfi við aðrar einingar RÚV.

Menntunar- og hæfniskröfur

Menntun sem nýtist í starfi.
Haldbær reynsla af rannsóknarblaðamennsku, sjónvarps- eða fjölmiðlavinnu. Reynsla af ritstjórnarstörfum er kostur.
Framúrskarandi fréttanef og hæfni til að greina það sem skiptir máli.
Leiðtogahæfni og geta til að leiðbeina og efla aðra í starfi.
Skipulagshæfni, frumkvæði og hæfni til að sinna fjölbreyttum verkefnum.
Framúrskarandi samskipta- og samvinnufærni.
Gott vald á íslenskri tungu.

Nánari upplýsingar veita Heiðar Örn Sigurfinnsson, fréttastjóri, [email protected] og Baldvin Þór Bergsson, varafréttastjóri og ritstjóri fréttatengdrar dagskrár, [email protected].

Fréttastofa RÚV flytur fréttir í útvarpi, sjónvarpi, á vef og á samfélagsmiðlum allan sólarhringinn alla daga ársins og færir landsmönnum nýjustu tíðindi og fréttaskýringar af innlendum og erlendum vettvangi.

Undir hatti fréttastofu RÚV eru frétta- og fréttaskýringaþættir í útvarpi og sjónvarpi, þar á meðal Kveikur, Kastljós, Silfrið, Spegillinn, Þetta helst, Heimskviður, Morgunútvarpið og Vikulokin.

Stefna RÚV er að þar starfi fjölbreyttur starfshópur. Við hvetjum áhugasöm til að sækja um óháð aldri, kyni, uppruna eða fötlun.

Umsókn skal fylgja ferilskrá og ítarlegt kynningarbréf þar sem gerð er grein fyrir ástæðu umsóknar og rökstuðningur um hæfni viðkomandi til að gegna starfinu.

Auglýsing birt28. ágúst 2025

Umsóknarfrestur7. september 2025

Tungumálahæfni