Laus störf Hæfnileit Vinnustaðir Námskeið

Samtök um kvennaathvarf

Samtök um kvennaathvarf eru frjáls félagasamtök og ekki rekin í hagnaðarskyni. Tilgangur samtakanna er að aðstoða konur og börn þeirra sem búa við ofbeldi. Samtökin reka athvörf í Reykjavík og á Akureyri fyrir konur og börn sem flýja þurfa heimili sín sökum ofbeldis. Auk þess reka samtökin búsetubrú þar sem leigðar eru út íbúðir til kvenna sem dvalið hafa í athvarfinu. Samtökin veita viðtalsþjónustu fyrir konur sem ekki dvelja í athvarfinu og eru auk þess með opinn neyðarsíma allan sólarhringinn.

Vinnustaðurinn

Rekstrarstýra Kvennaathvarfsins

Samtök um Kvennaathvarf leita að öflugri rekstrarstýru til að leiða daglegan rekstur og styðja við áframhaldandi vöxt á þjónustu Kvennaathvarfsins.

Í starfinu felst umsjón með fjármálum Samtaka um Kvennaathvarf. Hluti af því er að hafa góða yfirsýn á rekstri og fjáröflunarmálum athvarfsins. Rekstrarstýra ber einnig ábyrgð á launaumsýslu og framsetningu fjárhagsupplýsinga. Kvennaathvarfið er vinnustaður þar sem unnið er af mikilli hugsjón og metnaði. Þar leggja allir sitt á vogaskálarnar við að skapa fallega stemningu og taka virkan þátt í allri almennri stefnumótun.

Helstu verkefni og ábyrgð

Umsjón með fjármálum og fjárhagsupplýsingum
Yfirsýn og eftirfylgni með daglegum rekstri kvennaathvarfs og búsetubrúar
Yfirumsjón með bókhaldi
Launavinnsla
Gerð rekstraráætlana
Aðkoma og yfirsýn yfir fjáröflun
Varðveisla skjala og annarra gagna
Umsjón með vinnslu á ýmis konar tölfræði
Þátttaka í stefnumótun og þróunarverkefnum
Ýmis önnur verkefni í samráði við framkvæmdastýru Kvennaathvarfs

Menntunar- og hæfniskröfur

Háskólamenntun sem nýtist í starfi t.d. á sviði fjármála og viðskiptafræði
Þekking og reynsla af fjármálastjórnun, fjárhagsáætlunargerð og launaumsýslu
Góð tölvukunnátta og tæknilæsi.
Hæfni í að tileinka sér nýja þekkingu og miðla henni áfram
Framúrskarandi samskipta- og samstarfshæfni
Frumkvæði, skipulagshæfni og lausnamiðuð hugsun
Góð íslenskunnátta í ræðu og riti.

Umsókn þarf að fylgja starfsferilskrá og ítarlegt kynningarbréf þar sem gerð er grein fyrir hæfni viðkomandi sem nýtist í starfi. Farið er með allar umsóknir sem trúnaðarmál og þeim svarað að ráðningu lokinni.

Umsóknarfrestur er til og með 14. desember.

Nánari upplýsingar veitir Linda Dröfn Gunnarsdóttir, framkvæmdastýra Kvennaathvarfs, [email protected]

Auglýsing birt2. desember 2025

Umsóknarfrestur14. desember 2025

Tungumálahæfni