Rekstrarstjóri á bar

Rekstrarstjóri Stúdentakjallarans

Félagsstofnun stúdenta leitar að kraftmiklum og hressum einstaklingi í starf rekstrastjóra Stúdentakjallarans. Um er að ræða fjölbreytt og líflegt starf í hjarta háskólasvæðisins þar sem lögð er áhersla á öflugt viðburðarhald, framúrskarandi þjónustu og fjölbreytt úrval rétta á matseðli. Í Stúdentakjallaranum er auðvelt að leggja amstrið á hilluna og leyfa sér að njóta.

Stúdentakjallarinn er veitinga- og skemmtistaður staðsettur á Háskólatorgi. Staðurinn er opinn öllum og þar má því finna fjölbreyttan hóp viðskiptavina; stúdenta, starfsfólk, gesti og gangandi. Opið er alla daga vikunnar frá kl. 11 – 23, en til kl. 01 fimmtudaga til laugardaga. Á sunnudögum er opið frá kl. 16 – 23.

Rekstrarstjóri vinnur náið með yfirmanni í eldhúsi Stúdentakjallara, markaðsfulltrúa FS, auk annarra stjórnenda og gegnir lykilhlutverki í að tryggja ásýnd, þjónustu og starfsemi staðarins. Starfið hentar einstaklega vel þeim sem vilja hafa jákvæð áhrif á upplifun stúdenta af háskólasamfélaginu, hafa unun að þjónustu í hraðskreiðu og fjölbreyttu umhverfi, og þeim sem hafa annast viðburðarhald að einhverju tagi.

Stúdentakjallarinn er í eigu Félagsstofnunar stúdenta, sem er sjálfseignarstofnun og hefur það aðalmarkmiði að auka lífsgæði stúdenta. FS á og rekur einnig Bóksölu stúdenta, Stúdentagarða, Hámu og Leikskóla stúdenta.