Hjá Sólar starfar samhentur hópur rúmlega 500 starfsmanna sem hefur eitt markmið: að skila framúrskarandi hreinu umhverfi með fagmennsku og virðingu að leiðarljósi. Við erum leiðandi í okkar geira og það er engin tilviljun, við vorum fyrsta ræstingarfyrirtækið á Íslandi sem fékk leyfi til að nota Svaninn, norræna umhverfismerkið. Við leggjum mikla áherslu á góða þjálfun starfsfólks og tryggjum gæði í hverju verkefni með öflugu eftirliti. Okkar starfsandi einkennist af trausti, fagmennsku og góðum tækifærum til vaxtar. Sólar er virkur þátttakandi í umbótastarfi, meðal annars í gegnum Stjórnvísi og Samtök atvinnulífsins. Við höfum hlotið Jafnlaunavottun og uppfyllum allar kröfur Jafnlaunastaðalsins – því jafnrétti og sanngirni skipta okkur máli. Ef þú vilt vera hluti af öflugu og metnaðarfullu teymi, þar sem vinnuframlag þitt skiptir máli, þá gætir þú átt framtíð hjá Sólar!