Ás styrktarfélag

Ás styrktarfélag er sjálfseignarstofnun með þjónustu við fatlað fólk og hefur í gegnum árin komið á fót umfangsmiklum rekstri. Þá hefur félagið notið velvilja og hafa einstaklingar, félagasamtök og fyrirtæki átt drjúgan þátt í að styðja félagið til vaxtar. Í dag veitir Ás styrktarfélag hátt á fjórða hundrað manns þjónustu í formi búsetu, dagþjónustu og vinnu. Starfsmenn félagsins eru rúmlega 430 í tæplega 195 stöðugildum.

Vinnustaðurinn

Ráðgjafi við búsetuþjónustu

Ás styrktarfélag óskar eftir metnaðarfullum og áhugasömum ráðgjafa.

Starfið felur fyrst og fremst í sér ráðgjöf og stuðning við heimili fatlaðs fólks.

Starfshlutfall er 100% og vinnutími frá kl 08.00-16.00 virka daga.

Helstu verkefni og ábyrgð

Er íbúum á heimilum félagsins, aðstandendum, forstöðumönnum og starfsfólki til faglegrar ráðgjafar og stuðnings um hvað eina sem snýr að daglegu lífi innan heimilis og utan

Hefur heildarsýn yfir umfang þjónustu og þjónustuþyngdar í búsetu

Umsjón með upplýsingum, gögnum, samningum og verkferlum í búsetu

Hefur yfirsýn yfir húsaleigusamninga og annast gerð þeirra

Tengiliður við þjónustumiðstöðvar og félagsþjónustu sveitarfélaga vegna málefna íbúa

Tekur þátt í vinnu við verkferla, innra eftirlit, gæðamat og úttektir sem skjalfesta eiga að kröfulýsingar og gæðamarkmið félagsins á hverjum tíma séu uppfyllt

Tekur þátt í að útbúa og veita fræðslu innan Áss styrktarfélags bæði til starfsmanna og þjónustunotenda

Menntunar- og hæfniskröfur

Háskólamenntun sem nýtist í starfi

Þekking og reynsla á sviði þjónustu við fatlað fólk og sjálfstæð vinnubrögð

Mjög góð samskiptafærni í töluðu og rituðu máli

Tölvufærni í word, exel og power point ásamt góðrar íslensku- og enskukunnáttu

Brennandi áhugi starfi á heimilum fatlaðs fólks

Að minnsta kosti 5-7 ára starfsreynsla sem nýtist í starfi

Geta unnið undir álagi og eiga auðvelt með að tileinka sér nýjungar

Nánari upplýsingar veitir Erna Einarsdóttir í síma 4140500 á virkum dögum eða í gegnum netfangið erna@styrktarfelag.is

Upplýsingar um félagið má finna á heimasíðu þess www.styrktarfelag.is

Umsóknarfrestur er til 24. júní 2022.