Reykjavíkurborg - Velferðarsvið

Velferðasvið ber ábyrgð á áætlanagerð, samhæfingu og samþættingu verkefna á sviði velferðarþjónustu, eftirliti í samræmi við lög, reglur, samþykktir og pólitíska stefnu í velferðarmálum, mat á árangri og þróun velferðarþjónustu og nýrra úrræða og gerð þjónustusamninga um framkvæmd þjónustunnar. Velferðarsvið býr Reykjavíkurborg ennfremur undir að taka við nýjum velferðarverkefnum frá ríki svo sem í málefnum fatlaðra, öldrunarþjónustu og heilsugæslu. Velferðarsvið ber ábyrgð á framkvæmd þjónustu á sviði velferðarmála, þar með talinni félagsþjónustu fyrir alla aldurshópa og barnavernd. Velferðarsvið ber ábyrgð á rekstri þjónustumiðstöðva Reykjavíkurborgar og starfseininga sem undir þær heyra. Velferðarsvið vinnur með velferðarráði og barnaverndarnefnd og sinnir málefnum þeirra. Þjónustumiðstöðvar vinna með hverfaráðum í hverfum borgarinnar. Velferðarsvið sér einnig um rekstur miðlægrar velferðarþjónustu þvert á borgina, átaksverkefna vegna endurhæfingar fólks, heildstæðu forvarnastarfi í Reykjavík, inntöku í húsnæðis- og búsetuúrræði, rekstur hjúkrunarheimila, rekstur framleiðslueldhúss og rekstur heimahjúkrunar í Reykjavík samkvæmt samningi við ríkið þar um.

Vinnustaðurinn

Ráðgjafi í öldrunarmálum

Norðurmiðstöð auglýsir eftir ráðgjafa í öldrunarmálum

Markmið og tilgangur starfs er að veita framúrskarandi þjónustu af fagmennsku við ráðgjöf og meðferð einstaklingsmála með áherslu á þjónustu við eldra fólk, sem þarfnast stuðnings vegna fjölþætts vanda s.s. vegna fíkni- og/eða geðvanda.

Helstu verkefni og ábyrgð

Er málsstjóri og fer með ábyrgð á einstaklingsmálum fólks með fjölþættan vanda.
Greinir, metur og tekur ákvörðun um afgreiðslu einstaklingsmála.
Metur ástand og veitir ráðgjöf með það að markmiði að styðja fólk til jákvæðra breytinga.
Skilgreinir þörf fyrir úrræði og tekur ákvörðun eða leggur til úrræði, m.a. stuðningsúrræði.
Veitir ráðgjöf til einstaklinga og aðstandenda.
Upplýsingagjöf og leiðbeiningar um velferðarþjónustu til eldra fólks.
Þátttaka í teymissvinnu.
Þátttaka í þverfaglegu starfi með miðstöðvum og hagaðilum.
Veitir starfsfólki ráðgjöf, stuðning og fræðslu varðandi þjónustu við eldra fólk með fjölþættan vanda.

Starfið er hluti af samþættri þjónustu heimastuðnings og heimahjúkrunar og er unnið að hluta til þvert á miðstöðvar Reykjavíkurborgar.

Menntunar- og hæfniskröfur

Háskólamenntun sem nýtist í starfi, s.s. af sviði félags- eða heilbrigðisvísinda
Framhaldsmenntun æskileg
Þekking og reynsla af starfi með fólki með fjölþættan vanda
Leiðtogahæfileikar og framúrskarandi hæfni í mannlegum samskiptum
Þekking og reynsla af ráðgjöf í velferðarþjónustu er kostur
Frumkvæði, metnaður og sjálfstæð vinnubrögð
Íslenskukunnátta C1 (í samræmi við samevrópskan tungumálaramma)
Ökuréttindi
Hreint sakavottorð í samræmi við lög og reglur Reykjavíkurborgar

Fríðindi í starfi